Dipokano Tsa Tirelo Tsa July
Beke e e Simololang ka July 5
Pina 6
10 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Akgela ka pego ya phuthego ya tirelo ya tshimo ya April. Akgola bakaulengwe ka tiro e e molemo e ba e dirileng. Dikgang Tsa Puso ya Modimo.
20 mets: “Rapelela Thuso ya ga Jehofa.” Dira gore matseno a gago a se ka a feta motsotso o le mongwe, mme go latele motlotlo wa dipotso le dikarabo. Tlhalosa ka fa go rapelela dilo tse di farologaneng go tswa pelong go leng botlhokwa ka gone gore o atlege mo bodireding. Kopa bareetsi gore ba bolele maitemogelo a a bontshang ka fa dithapelo tse di tshwanetseng di ba thusitseng ka gone mo bodireding jwa bone.—Bona Tora ya Tebelo ya October 15, 1996, tsebe 32.
15 mets: Dirisa Diboroutšhara ka Botlalo. Puo le dipontsho. Tlhalosa lebaka la go bo diboroutšhara e le didirisiwa tse di botlhokwa mo bodireding jwa rona. Di na le ditlhogo tse di kgatlhang batho ba le bantsi, di bolela ka setlhogo se le sengwe sa konokono ka bokhutshwane, mme di tlhalosa dithuto tsa Dikwalo ka tsela e e motlhofo. Umaka diboroutšhara tse di tsamaisiwang mo kgweding eno, mme o ba bontshe gore ke dife tse di leng teng ka bontsi mo phuthegong ya lona. Dira dipontsho di le pedi kana di le tharo tsa dipuisano tse dikhutshwane tse di theilweng mo dikakantshong tse di leng mo setlhogong se se reng “Presentations” mo Watch Tower Publications Index.
Pina 181 le thapelo e e konelang.
Beke e e Simololang ka July 12
Pina 103
10 mets: Dikitsiso tsa phuthego ya lona. Pego ya diakhaonto. Molebedi wa tirelo o tlotla ka dithulaganyo tsa bofelo tsa tshimo e e sa abiwang—matlha, lefelo le le tlileng go berekiwa, marobalo, dithulaganyo tsa mosepele le mpho ya buka.
15 mets: “Go Baakanyetsa Go sa Le Gale go a Itumedisa.” Puo le dipotsolotso. Tlhalosa lebaka la go bo go le botlhokwa go baakanyetsa tirelo ya tshimo le ka fa go re thusang ka gone gore re itumelele thata se re se dirang. (Bona Buka ya Kaelo ya Sekolo, tsebe 39, dirapa 1-3.) Botsolotsa baboledi ba ba nang le bokgoni ba le babedi kana ba le bararo ba bolela tsela e ba baakanyetsang ka yone pele ba ya tirelong le kafa seo se ba thusang ka gone. Bolela maitemogelo a a mo makasineng wa Tora ya Tebelo ya April 15, 1993, tsebe 30, a a bontshang ka fa go dirisa buka ya Go Fetolana fa go baakanyediwa bodiredi go nang le matswela ka gone.
20 mets: “A re ‘Tlhamalaleng!’” Bareetsi ba nna le seabe le dipontsho. Tlotla ka nngwe le nngwe ya dikakantsho tse motho a ka di buang gore mong wa ntlo a reetse. Dira gore baboledi ba ba nang le maitemogelo ba dire dipontsho ka matseno a le mmalwa a a ka nnang le matswela. Kopa bareetsi ba bolele dikakantsho tse dingwe le go bolela maitemogelo a a kgothatsang a a bontshang se tota se dirang gore ba atlege mo tshimong ya bone.
Pina 183 le thapelo e e konelang.
Beke e e Simololang ka July 19
Pina 31
10 mets: Dikitsiso tsa phuthego ya lona.
15 mets: Dilo tse phuthego ya lona e tlhokang go di ela tlhoko.
20 mets: A ke Tshwanetse go Ikwadisa mo Mokgatlhong? Motlotlo le bareetsi o o theilweng mo bukeng ya Go Fetolana, ditsebe 398-401. Gantsi re kopana le batho ba ba amogelang molaetsa wa Bogosi mme ba sa rate kgang ya go “ikwadisa” mo mokgatlhong wa bodumedi. Sekaseka tlhaloso ya “thulaganyo” le ditsela di le supa tse re ka lemogang phuthego e e bonalang ya ga Jehofa ka tsone. Tlhalosa lebaka la go bo e farologane le tse dingwe le gore go kopanela le yone go lere masego afe a mmatota.
Pina 189 le thapelo e e konelang.
Beke e e Simololang ka July 26
Pina 184
15 mets: Dikitsiso tsa phuthego ya lona. Gakolola botlhe gore ba tlise dipego tsa tirelo ya tshimo tsa July. Batshwari ba Thuto ya Buka ya Phuthego ba tshwanetse go tlhomamisa le mongwe le mongwe yo o mo setlhopheng sa bone e le gore dipego tse di saletseng kwa morago tsa dikgwedi tse di fetileng di tsenngwe mo pegong ya phuthego ya July. Lebokoso la Dipotso.
10 mets: “Thulaganyo e Ntšha ya Kopano ya Potologo.” Puo. Itsise letlha la kopano ya potologo e e tlang. Kgothaletsa ba basha gore ba akanyetse go kolobediwa. Rotloetsa botlhe go nna gone mo thulaganyong yotlhe.
20 mets: A re Dira Barutwa? Molebedi wa tirelo o tlotla le motlhanka wa bodiredi kana ba le babedi ka dintlha tse di mo makasineng wa Tora ya Tebelo ya February 15, 1996, ditsebe 19-22. Gatelela mabaka a Dikwalo a go bo go tlhokega gore re batle ba ba tshwanelang mo tshimong ya rona le go ba dira barutwa. (Math. 10:11) Bano ke ba ba fegelwang ka ntlha ya boikepo le maemo a a maswe thata a ba a bonang le ba ba batlang Jehofa pele letsatsi la bogale jwa gagwe le fitlha. (Esek. 9:4; Sefa. 2:2, 3) Bangwe ba bone ke ‘ba ba sekametseng sentle go bona botshelo jo bo sa khutleng.’ (Dit. 13:48) Tiro ya rona ke go dira barutwa, go ruta batho dilo tsotlhe tse Jesu a di laetseng. (Math. 24:14; 28:19, 20) Le mororo re ka tlhotlheletsa batho ba re kopanang le bone go nna le kgatlhego mo tirong ya ntlo le ntlo, fa re neela bosupi jo e seng jwa ka tlwaelo le mo tirong ya mmila, re ka dira barutwa fa re boela kwa bathong—ka maeto a go boela le ka dithuto tsa Baebele. Bolela dikakantsho tse di molemo malebana le gore seno se ka dirwa jang.
Pina 14 le thapelo e e konelang.