Tlhatlhobo ya Sekolo sa Bodiredi sa Puso ya Modimo

Go tla sekasekwa dipotso tse di latelang mo tlhatlhobong e e sa kwalweng mo Sekolong sa Bodiredi sa Puso ya Modimo ka beke e e simololang ka February 24, 2003. Molebedi wa sekolo o tla tshwara poeletso ya metsotso e le 30 e e theilweng mo tshedimosetsong e e ileng ya ithutiwa mo dipuong tsa go tloga ka beke ya January 6 go ya go February 24, 2003. [Ela tlhoko: Mo dipotsong tse di se nang ditshupiso o tla tshwanelwa ke go itirela dipatlisiso e le gore o bone dikarabo.—Bona Sekolo sa Bodiredi, ts. 36-7.]

BOKGONI JWA GO BUA

1. Boammaaruri kana Maaka: Selo se se ka thusang motho go bala sentle ke fa a tlhomamisa gore se a se balang se utlwala se siame, le fa gone se ka tswa se farologane go se kae le se se kwadilweng. Tlhalosa. [be-TN ts. 83]

2. Tlatsa ka Mafoko a a Tlogetsweng: Selo se se ka thusang motho go bala sentle, ke gore a ․․․․․․․․, ․․․․․․․․, ․․․․․․․․ mme a dire jalo a balela kwa godimo. [be-TN ts. 85]

3. Ke ka ntlha yang fa go le botlhokwa gore o bue ka tsela e e utlwalang sentle? (1 Bakor. 14:8, 9) [be-TN ts. 86]

4. Ke dilo dife tse di ka dirang gore puo e se ka ya utlwala, mme re ka dirang gore re bue ka tsela e e utlwalang sentle? [be-TN ts. 87-8]

5. Ke mafoko afe a a dirisitsweng mo Sekolong sa Bodiredi sa Puso ya Modimo mo dikgweding tse pedi tse di fetileng a o akanyang gore o tlhoka go ikatisa go a bitsa sentle? [be-TN ts. 92]

PUO NO. 1

6. Boammaaruri kana Maaka: Matlho a rona a ka re thusa go reetsa. Tlhalosa. [be-TN ts. 14]

7. Tlatsa ka Mafoko a a Tlogetsweng: ․․․․․․․․, ․․․․․․․․ le ․․․․․․․․ tsotlhe ke dilo tse Modimo a di dirisang go supa nako. [si-TN ts. 279 ser. 7]

8. Tlatsa ka Mafoko a a Tlogetsweng: Mo Baebeleng, lefoko “letsatsi” le ka kaya lobaka lwa diura tse ․․․․․․․․, tse ․․․․․․․․, dingwaga tse ․․․․․․․․ kana ․․․․․․․․, go ikaegile ka gore le dirisitswe jang. [si-TN ts. 279 ser. 8]

9. Sekai sa ga Hana, sa ga Mareko le sa ga Elija di ka re thusa jang go lepalepana le go kgobega marapo? Re ka dirisa dikai tseno jang go thusa ba bangwe? [w01-TN 2/1 ts. 20-3]

10. Go itse melao ya metshameko ya bogologolo go re thusa jang go tlhaloganya ditemana dingwe tsa Baebele? Tshedimosetso eno e tshwanetse go ama matshelo a rona jang? [w01-TN 1/1 ts. 28-31]

MMALO WA BAEBELE WA BEKE LE BEKE

11. Boammaaruri kana Maaka: E re ka Bogosi jwa Modimo bo ile jwa tlhomiwa kwa legodimong ka 1914, ga go tlhole go tlhokega gore re rapele re re: “A bogosi jwa gago bo tle.” (Math. 6:10) Tlhalosa. [be-TN ts. 279; w96-TN 6/1 ts. 31]

12. Boammaaruri kana Maaka: Mafoko a ga Jesu a a mo go Mathaio 11:24 a bolela gore batho ba Jehofa a ileng a ba fedisa ka molelo kwa Sodoma le Gomora ba tlile go tsosiwa. Tlhalosa.

13. Tlhopha Karabo e e Siameng: Motlhanka yo o boikanyego le yo o botlhale yo Jesu a mo umakang mo go Mathaio 24:45-47 ke (a) Setlhopha se se Laolang sa Basupi ba ga Jehofa; (b) setlhopha sotlhe sa Bakeresete ba ba tloditsweng ba ba sa ntseng ba le mo lefatsheng; (c) Jesu Keresete ka boene. Motlhanka yono o tlamela “ba ntlo” ka dijo tsa semoya ka nako e e tshwanetseng, mme “ba ntlo,” ba emela (a) motho ka bongwe wa batlodiwa; (b) dinku tse dingwe; (c) batho botlhe ba ba balang dikgatiso tsa Bokeresete. Mong o tlhomile motlhanka go okamela dilo tsotlhe tsa gagwe ka ngwaga wa (a) 1914; (b) 33 C.E.; (c) 1919.

14. Tlhopha Karabo e e Siameng: Letlowa le go buiwang ka lone mo setshwantshong sa ga Jesu mo go Mathaio 13:47-50 le ile la akaretsa phuthego ya Bakeresete ba ba tloditsweng le (a) Bogosi jwa Modimo ka Mesia; (b) ditsala tsa bone tsa dinku tse dingwe; (c) Labokeresete.

15. Go ya ka mafoko a ga Jesu a a mo go Mathaio 5:24, o tshwanetse go dira eng fa o lemoga gore o kgopisitse modumedikawena? [g96-TN 2/8 ts. 14-5]