Thulaganyo ya Pokano ya Tirelo

Beke e e Simololang ka June 9

Pina 81

10 mets: Dikitsiso tsa phuthego. Dikitsiso tse di tlhophilweng go tswa go Tirelo ya Rona ya Bogosi. O dirisa dikakantsho tse di mo go tsebe 8, dira dipontsho tse pedi tse di farologaneng o bontsha kafa go ka tsamaisiwang ka teng Tora ya Tebelo ya June 15 le Tsogang! ya July 8. Mo pontshong nngwe le nngwe, dimakasine tseno di tsamaisiwe mmogo le mororo go bueletswe o le mongwe fela. Bala temana mo pontshong nngwe le nngwe.

15 mets: “Bodiredi Jwa Bokeresete—Tiro ya Rona ya Botlhokwa.”a Kgothaletsa basha go akanyetsa masego a ba ka nnang le one ka go tsenela tirelo ya nako e e tletseng. Akaretsa le dintlha go tswa mo setlhogwaneng se se reng, “Fa Setso le Segakolodi di Thulana,” mo makasineng wa Tora ya Tebelo wa November 1, 2000, tsebe 19-20.

20 mets: “A go Tlogela Tiro go Bula Sebaka sa go Oketsa Tirelo?”b Fa go kgonega, botsolotsa ka bokhutshwane mmoledi yo o ileng a oketsa tirelo ya gagwe go Jehofa fa a sena go tlogela tiro ya go itshedisa ka ntlha ya bogodi. Mmotse gore o dirile diphetogo dife le gore seno se mo tliseditse masego afe.

Pina 190 le thapelo e e konelang.

Beke e e Simololang ka June 16

Pina 55

8 mets: Dikitsiso tsa phuthego. Pego ya diakhaonto.

12 mets: Dilo tse phuthego e tlhokang go di ela tlhoko.

25 mets: “Dira ka Tlhoafalo fa o ‘Naya Bosupi ka Botlalo.’”c Dirisa dipotso tse di mo setlhogong seno. Fa lo sena go tlotla ka serapa 5 le 6, dira gore go nne le pontsho e khutshwane ya go neela modiri wa mo lebenkeleng bosupi jo e seng jwa tlwaelo a bo a newa pampitshana ya A o Ka Rata go Itse mo go Oketsegileng ka Baebele? Dira gore serapa 7 le 8 di balelwe kwa godimo pele di ka tlhalosiwa. Kwa bokhutlong, bala o bo o tlhalose lebokose la setlhogwana se se reng “O se Ka wa Ba Lebala!”

Pina 131 le thapelo e e konelang.

Beke e e Simololang ka June 23

Pina 95

10 mets: Dikitsiso tsa phuthego. O dirisa dikakantsho tse di mo go tsebe 8, dira dipontsho tse pedi tse di farologaneng o bontsha kafa go ka tsamaisiwang Tora ya Tebelo ya July 1 le Tsogang! ya July 8 ka teng. Mo pontshong nngwe le nngwe, dimakasine tseno di tsamaisiwe mmogo le mororo go bueletswe o le mongwe fela. Mo pontshong e nngwe, bontsha mmoledi a neela bosupi mo mmileng.

20 mets: Go ka Dirwang ka go Kgobega Marapo? Puo le motlotlo le bareetsi, e theilwe mo makasineng wa Tora ya Tebelo wa November 15, 1999, tsebe 28-9, go fitlha mo tshedimosetsong ya setlhogwana se se reng “Go Nna le Maikutlo a a Siameng.” Bolela dikakantsho tse di thusang mmogo le kgakololo e e tswang mo Dikwalong. Rulaganya go sa le pele gore go nne le mmoledi a le mongwe kgotsa ba le babedi ba ba dirang sentle ba tlhalosa se se ba thusang gore ba nne ba itumetse mo bodireding jwa bone.

15 mets: “Go Rera mo Lefatsheng le le Fetofetogang.”d Fa o tlotla ka serapa 2-3, botsa bareetsi gore ke dikgang dife tsa bosheng tse di ka dirisiwang go simolola motlotlo mo tshimong ya lona. Fa o tlotla ka serapa 4, dira gore go nne le pontsho e khutshwane, o dirisa nngwe ya dipuisano tse di umakilweng foo.

Pina 15 le thapelo e e konelang.

Beke e e Simololang ka June 30

Pina 3

10 mets: Dikitsiso tsa phuthego. Gakolola baboledi gore ba tlise dipego tsa tirelo ya tshimo tsa June. Tlhalosa dikgatiso tse di tla tsamaisiwang ka July le August. Bolela gore ke diboroutšhara dife tse pedi tse di leng teng mo setokong sa phuthego. Dira gore go nne le dipontsho tse di baakanyeditsweng sentle tsa kafa di ka tsamaisiwang ka teng mo bodireding. Fa o batla go bona dipuisano tse di akantshiwang, bona Tirelo ya Rona ya Bogosi ya July 1998, tsebe 8. Dipuisano tse dingwe di ka fitlhelwa mo go Watch Tower Publications Index kafa tlase ga setlhogo se se reng “Presentations” le setlhogwana se se kwadilweng fa gare se se reng “List by Publication.”

15 mets: “Ba Golafetse—Mme Tiro ya Bone E na Le Matswela.”e Tsenya le dikakgelo tsa kafa ba bangwe ba ka thusang ka teng, tse di tswang mo makasineng wa Tsogang! wa September 8, 1990, tsebe 29, kafa tlase ga setlhogwana se se reng “Ke Eng Seo Se Ka Dirwang?”

20 mets: Dirisa Lefoko la Modimo ka Tsela e e Nang le Matswela go Rera ka Bogosi. Motlotlo le bareetsi o tshwerwe ke molebedi wa tirelo. Mongwe le mongwe yo re kopanang le ene mo bodireding jwa rona re leka go mo abela ntlha e e kgothatsang ya Dikwalo malebana le Bogosi. Le fa go ntse jalo, re tshwanetse go dira se se fetang go bala ditemana tsa Baebele fela. Re tshwanetse go di tlhalosa, go di direla setshwantsho le go bontsha kafa di dirang ka teng. Bontsha gore seno se ka dirwa jang, o dirisa dikai tsa ditemana dingwe tse di bontshitsweng mo bukeng ya Go Fetolana, tsebe 175-6, kafa tlase ga setlhogwana sa mokwalo o o sekameng se se reng “Babusi ba batho ga ba baakanyetse ka seo setho se se tlhokang ka potlako.” Morago ga motlotlo, dira gore mmoledi yo o ipaakanyeditseng sentle a dire pontsho ya kafa temana e le nngwe e ka dirisiwang ka tsela e e nang le matswela ka teng mo loetong lwa go boela, a naya tlhaloso e khutshwane, setshwantsho se se motlhofo, le tlhaloso e khutshwane e e bontshang mong wa ntlo kafa puso ya Bogosi e tla mo amang ka teng, ene ka namana. Dira gore pontsho e simolole fa mmoledi a bala temana. Fa pontsho e sena go dirwa, boeletsa kafa temana e neng ya tlhalosiwa ka teng, ya direlwa setshwantsho, ga ba ga bontshiwa kafa e dirang ka teng. Kgothaletsa botlhe gore ba nne le bokgoni jwa go dirisa Lefoko la Modimo ka tsela e e nang le matswela.

Pina 171 le thapelo e e konelang.

Beke e e Simololang ka July 7

Pina 165

5 mets: Dikitsiso tsa phuthego. Dikgang Tsa Puso ya Modimo.

15 mets: Maitemogelo a tshimo ya lona. Tlhalosa kgotsa o dire dipontsho tsa maitemogelo a baboledi ba phuthego ya lona ba nnileng le one (1) fa ba ne ba rerela batho ba ditso tse di farologaneng kgotsa ba ba buang dipuo di sele kgotsa (2) fa ba ne ba rera ka tsela nngwe mme e seng ka ntlo le ntlo le mo tirong ya mmila. Kgothaletsa botlhe gore ba dirise ka botlalo bukana ya Good News for All Nations le foromo ya Please Follow Up (S-43) fa ba kopana le batho ba ba sa utlweng mo ditsebeng kgotsa ba ba buang puo e sele.—Bona lekwalo la June 1, 2000, le le kwaletsweng diphuthego tsotlhe.

25 mets: “Go Itsise Batho Leina la Modimo.”f Dirisa dipotso tse di mo setlhogong seno. Fa o tlotla ka serapa 4, akaretsa dintlha tse di mo lebokoseng le le reng “Go Itsise Ba Bangwe Leina la Modimo,” le le mo go tsebe 124 ya buka ya Baboledi. Dira gore mmoledi yo o nang le maitemogelo a dire pontsho ya go dira loeto lwa go boela. Dirisa ditemana di le pedi kgotsa di le tharo tse di tswang mo bukeng ya Go Fetolana, tsebe 194-5, mme o bontshe lebaka la go bo go le botlhokwa go dirisa leina la Modimo.

Pina 197 le thapelo e e konelang.

[Dintlha tse di kwa tlase]