Thulaganyo ya Pokano ya Tirelo

Beke e e Simololang ka October 11

Pina 219

10 mets: Dikitsiso tsa phuthego. Dikgang Tsa Puso ya Modimo. Tlotla ka dithulaganyo tsa tshimo e e sa abiwang tsa mafelobeke a October 30, 31, 2004. Kgothaletsa botlhe gore ba nne le seabe ka botlalo mo letsholong leno la bofelo.

20 mets: “A re Godiseng Leina la Gagwe Mmogo.”a E neelwe ke mokwaledi wa phuthego a dirisa dipotso tse di mo setlhogong seno. Itsise gore phuthego e abetswe go ya kopanong efe ya kgaolo. Go ka nna ga umakiwa le dintlha tse dingwe mo tsenyeletsong eo fa go tlhokega. Konela ka go botsa dipotso di le pedi kana di le tharo mo setlhogong se se reng “Dijo Tsa Semoya ka Nako e e Tshwanetseng,” se go tla tlotliwang ka sone mo Pokanong ya Tirelo ya beke e e latelang.

15 mets: “Go Nna Gone Kwa Dipokanong ke Selo se se Tlang Pele.”b Rulaganya go sa le gale gore mmoledi a le mongwe kana ba le babedi ba akgele ka se ba ileng ba se dira gore ba kgone go nna gone mo pokanong nngwe le nngwe ya phuthego.

Pina 69 le thapelo e e konelang.

Beke e e Simololang ka October 18

Pina 127

5 mets: Dikitsiso tsa phuthego.

20 mets: “Dijo Tsa Semoya ka Nako e e Tshwanetseng.”c Dirisa dipotso tse di mo setlhogong seno. Fa lo tlotla ka serapa 2, dira gore mmoledi a le mongwe kana ba le babedi mo bareetsing ba akgele ka kopano nngwe e e tlhomologileng e ba neng ba le kwa go yone. Konela ka go botsa dipotso tse pedi kana tse tharo mo setlhogong se se reng “Nnang Boitshepo mo Boitshwarong Jotlhe Jwa Lona,” se go tla tlotliwang ka sone mo Pokanong ya Tirelo ya beke e e latelang.

20 mets: Ntsha Mabaka go Tshegetsa Lefoko la Modimo. Puo le motlotlo le bareetsi o o theilweng mo bukeng ya Sekolo sa Bodiredi, tsebe 256-7. Re ka dirisa jang bosupi jo bo tswang mo motsweding mongwe o e seng Baebele go thusa batho go lemoga kafa Dikwalo di utlwalang ka gone? Kopa bareetsi gore ba arabe dipotso tseno tse di latelang: Re ka dirisa sekai sefe go tswa mo lobopong lo lo bonalang go supa gore Mmopi o gone? (rs 335-6) Re ka dirisa jang dikakgelo tsa bakanoki kana baitse go thusa ba bangwe go bona gore ruri Baebele ke Lefoko la Modimo? (rs 66-8) Ke setshwantsho sefe kgotsa papiso efe e o ka e dirisang go thusa ba bangwe go bona lebaka la go bo Modimo a letlelela boikepo? (rs 94) O dirisitse maitemogelo kana dikai dife go thusa ba bangwe go lemoga kafa go leng botlhale ka teng go latela kgakololo ya Baebele?

Pina 165 le thapelo e e konelang.

Beke e e Simololang ka October 25

Pina 56

10 mets: Dikitsiso tsa phuthego. Pego ya diakhaonto. O dirisa dikakantsho tse di mo tsebeng 12 (fa di tshwanela tshimo ya lona), bontsha kafa Tora ya Tebelo ya November 1 le Tsogang! ya November 8 di ka tsamaisiwang ka gone. Mo go nngwe le nngwe ya dipontsho tseno, bontsha tsela e e farologaneng e e ka dirisiwang fa mongwe a leka go thibela puisano ka go re “Ga ke kgatlhegele Basupi ba ga Jehofa.”—Bona buka ya Go Fetolana, tsebe 17-18.

15 mets: “Bakeresete ba ka Nna le Kutlwano ya Boammaaruri Jang?”d Fa lo tlotla ka serapa 5, kopa bareetsi go bolela maitemogelo a bone fa ba ne ba le kwa dikopanong tsa ditšhabatšhaba, kwa dithulaganyong tsa go aga tsa puso ya Modimo kana ka dinako tsa go namola ba bangwe fa go nnile le masetlapelo tse di bontshang kutlwano ya rona ya Bokeresete.

20 mets: “Nnang Boitshepo mo Boitshwarong Jotlhe Jwa Lona.”e Dirisa dipotso tse di mo setlhogong seno. Kopa bareetsi gore ba akgele kafa ba lemogileng ka gone gore go itshwara sentle kwa dikopanong tsa kgaolo go tlisetsa Jehofa pako. Konela ka go botsa dipotso tse pedi kana tse tharo go tswa mo setlhogong se se reng “Go Ipaakanya ka Tsela e e Bontshang Boitsheko Le e E Tlotlegang,” se go tla tlotliwang ka sone mo Pokanong ya Tirelo ya beke e e latelang.

Pina 62 le thapelo e e konelang.

Beke e e Simololang ka November 1

Pina 15

10 mets: Dikitsiso tsa phuthego. Gakolola botlhe go tlisa dipego tsa tirelo ya tshimo. Re tla tsamaisa buka ya Ithute mo Morutising yo Mogolo ka November. Sekaseka ka bokhutshwane dikakantsho tsa go tsamaisa buka eno mo kgatisong ya Tirelo ya Rona ya Bogosi ya May 2004, tsebe 3, mme go dirwe pontsho ka nngwe ya dipuisano tseo. Fa e le gore go na le tsela e nngwe e e tla nnang le matswela mo tshimong ya lona, go ka tlotliwa ka yone go bo go dirwe pontsho ka yone. Fa nako e letla, kopa bareetsi go akgela kafa ba kgonneng go dirisa buka eno mo bodireding ka teng.

15 mets: “Re ka Thusa Jang Balekane ba Lenyalo ba e Seng Basupi?”f Botsolotsa mmoledi a le mongwe kana ba babedi ba ba nnileng batlhanka ba ga Jehofa ka ntlha ya sekao se se molemo se se neng sa tlhongwa ke balekane ba bone ba lenyalo ba ba neng ba amogetse boammaaruri.

20 mets: “Go Ipaakanya ka Tsela e e Bontshang Boitsheko Le e E Tlotlegang.”g Dirisa dipotso tse di mo setlhogong seno. Fa nako e letla, bala le go tlotla ka dikwalo tse di umakilweng.

Pina 175 le thapelo e e konelang.

[Dintlha tse di kwa tlase]