Thulaganyo ya Pokano ya Tirelo

Beke e e Simololang ka October 9

Pina 25

10 mets: Dikitsiso tsa phuthego. Dikitsiso tse di tlhophilweng go tswa go Tirelo ya Rona ya Bogosi. Dirisa dikakantsho tse di mo tsebeng ya 8 kgotsa dipuisano tse dingwe tse di tshwanelang tshimo ya lona go dira dipontsho tse di bontshang gore Tora ya Tebelo ya October 15 le Tsogang! ya October mmogo le pampitshana ya Dikgang Tsa Bogosi No. 37 di ka tsamaisiwa jang.

15 mets: “Thusa ba Bangwe go Nna Ditsala Tsa Modimo.”a Kopa bareetsi go akgela kafa sekao sa ba bangwe le thapelo e e tswang pelong di ba thusitseng ka gone go gatela pele go fitlha ba kolobediwa.

20 mets: Ipaakanyetse go Tsamaisa Pampitshana ya Dikgang Tsa Bogosi No. 37. Puo le motlotlo le bareetsi. Boeletsa dithulaganyo tsa letsholo leno jaaka go tlotlilwe ka tsone mo kgatisong ya Tirelo ya Rona ya Bogosi ya September. Kgothaletsa botlhe go nna le seabe ka botlalo. Kgothaletsa ba ba nang le dithuto tsa Baebele tse di gatelang pele go sekaseka gore a diithuti tsa bone di tshwanelegela go nna le seabe mo letsholong leno ka go nna baboledi ba ba sa kolobediwang. Batsadi le bone ba ka sekaseka gore a bana ba bone ba a tshwanelega. Tlhalosa ka bokhutshwane dilo tse di tlhokegang mo tsebeng ya 79-81 ya Re Rulaganyeditswe go Dira Thato ya ga Jehofa.

Pina 221 le thapelo e e konelang.

Beke e e Simololang ka October 16

Pina 84

10 mets: Dikitsiso tsa phuthego. Dikgang Tsa Puso ya Modimo.

20 mets: Go Solegelwa Molemo ke Thuto ya Buka ya Phuthego. Puo le motlotlo le bareetsi o o theilweng mo bukeng ya Re Rulaganyeditswe go Dira Thato ya ga Jehofa, go tswa mo setlhogwaneng se se mo tsebeng ya 69 go ya mo setlhogwaneng sa bobedi mo tsebeng ya 72.

15 mets: “O Baya Eng Kwa Pele?”b Kopa baboledi bangwe go akgela kafa ba fetotseng thulaganyo ya bone ka gone gore ba beye dilo tsa Bogosi kwa pele le masego a ba nnileng le one ka ntlha ya go dira jalo.

Pina 172 le thapelo e e konelang.

Beke e e Simololang ka October 23

Pina 58

10 mets: Dikitsiso tsa phuthego. Bala pego ya diakhaonto le makwalo ape a a bontshang gore moneelo wa lona o amogetswe. Dirisa dikakantsho tse di mo tsebeng ya 8 kgotsa dipuisano tse dingwe tse di tshwanelang tshimo ya lona go dira dipontsho tse di bontshang gore Tora ya Tebelo ya November 1 le Tsogang! ya November di ka tsamaisiwa jang. Mo go nngwe ya dipontsho, bontsha kafa o ka arabang ka gone fa motho a kgoreletsa puisano ka gore “Ke eng lo re etela gantsi jaana.”—Bona buka ya Go Fetolana, ts. 20.

15 mets: Dilo tse phuthego e tlhokang go di ela tlhoko.

20 mets: “Solegelwa Molemo ka Botlalo ke Dipokano Tsa Tirelo ya Tshimo.”c Fa o tlotla ka serapa 3, akaretsa dikakgelo tse di mo kgatisong ya Tirelo ya Rona ya Bogosi ya September 2001 mo setlhogong sa Lebokoso la Dipotso, serapa 4, malebana le kafa dilo di tshwanetseng go dirwa ka gone ka nako ya fa go se na bakaulengwe ba ba tshwanelegang go tshwara pokano.

Pina 143 le thapelo e e konelang.

Beke e e Simololang ka October 30

Pina 207

10 mets: Dikitsiso tsa phuthego. Gakolola botlhe go tlisa dipego tsa tirelo ya tshimo le go kwala kafa morago ga pego eno palo ya dipampitshana tse ba di tsamaisitseng tsa Dikgang Tsa Bogosi No. 37.

20 mets: “Kopano ya Kgaolo ya Basupi ba ga Jehofa ya 2006 ya ‘Kgololo e Atametse!’” mo tsenyeletsong ya Tirelo ya Rona ya Bogosi ya September 2006.d E neelwe ke mokwaledi wa phuthego. Fa o se na go sekaseka serapa 1, bala lekwalo la kopano la July 15, 2006. Kgothaletsa botlhe go dira dithulaganyo tsa bone tsa kopano ka bonako jo bo kgonegang.

15 mets: Maitemogelo a go Tsamaisa pampitshana ya Dikgang Tsa Bogosi No. 37. Kopa bareetsi go bolela ka matswela a a kgothatsang a ba nnileng le one fa ba tsamaisa pampitshana ya Dikgang Tsa Bogosi No. 37. Umaka gore go berekilwe tshimo e kana kang go fitlha ga jaana le gore go tla tlhokega eng go bereka tshimo yotlhe pele ga November 12. Dira pontsho ya go dira loeto lwa go boela go dirisiwa buka ya Baebele e Ruta Eng? Gakolola baboledi go busa dipampitshana dipe tsa Dikgang Tsa Bogosi tse ba se kitlang ba kgona go di tsamaisa pele ga bofelo jwa letsholo leno gore ba bangwe ba tle ba di dirise.

Pina 136 le thapelo e e konelang.

Beke e e Simololang ka November 6

Pina 146

10 mets: Dikitsiso tsa phuthego. Dirisa dikakantsho tse di mo tsebeng ya 3-4 tsa Tirelo ya Rona ya Bogosi ya January 2005 kgotsa dipuisano tse dingwe tse di tshwanelang tshimo ya lona go dira pontsho ya gore buka ya Go Reetsa Morutisi yo Mogolo e ka tsamaisiwa jang fa kgwedi ya November e le fa gare. Fa nako e letla, kopa bareetsi go akgela ka matswela a a molemo a a nnileng gone fa go dirisiwa buka eno mo tshimong kgotsa mo lelapeng la bone.

15 mets: Oketsa Boipelo le Seriti sa Letsatsi la Gago la Lenyalo. Puo ka mogolwane e e theilweng mo makasineng wa Tora ya Tebelo ya October 15, 2006, tsebe 28-31.

20 mets: “Nnang lo Lebeletse mo go Jehofa” mo tsenyeletsong ya Tirelo ya Rona ya Bogosi ya September 2006.e Umaka kopano e phuthego e e abetsweng. Kopa bareetsi go akgela kafa go tsenya betšhe ya rona ya kopano ka dinako tsotlhe fa re le mo motseng wa kopano go ka dirang gore re neele bosupi ka gone. Kgothaletsa bareetsi go sola molemo ditshono tsa go neela bosupi le fa re se mo bodireding le go dirisa foromo ya Tsweetswee Boela (S-43-TN) go kwala dintlha ka batho bape fela ba ba kgatlhegang.

Pina 8 le thapelo e e konelang.

[Dintlha tse di kwa tlase]