Thulaganyo ya Pokano ya Tirelo

Beke e e Simololang ka August 13

Pina 20

15 mets: Dikitsiso tsa phuthego. Dirisa dikakantsho tse di mo tsebeng ya 8 kgotsa dipuisano tse dingwe tse di tshwanelang tshimo ya lona go dira dipontsho tse di bontshang gore Tora ya Tebelo ya August 15 le Tsogang! ya August di ka tsamaisiwa jang. Mo go nngwe ya dipontsho, mmoledi a dirise nngwe ya dikakantsho tse di mo serapeng sa 3 mo tsebeng ya 3 ya kgatiso eno ya Tirelo ya Rona ya Bogosi go botsa potso e a tla e arabang fa a boela. Tlotla ka “Thulaganyo e Ntšha ya Kopano ya Potologo.” Itsise botlhe ka letlha la kopano e e latelang ya potologo fa e le gore lo setse lo le neilwe.

15 mets: Melemo ya go Ikokobeletsa Thulaganyo ya Puso ya Modimo. Puo le motlotlo le bareetsi o o theilweng mo kgaolong ya 15 ya Re Rulaganyeditswe go Dira Thato ya ga Jehofa.

15 mets: “Go Obamela Jehofa Jaaka Lelapa.”a Kopa bareetsi go akgela gore ba solegetswe molemo jang ke go nna le seabe mo bodireding jaaka lelapa. O ka nna wa rulaganya go sa le gale gore mmoledi a le mongwe kgotsa ba le babedi ba akgele.

Pina 48 le thapelo e e konelang.

Beke e e Simololang ka August 20

Pina 100

10 mets: Dikitsiso tsa phuthego. Tlotla ka “Thulaganyo e Ntšha ya Kopano e e Kgethegileng ya Letsatsi le le Lengwe,” mme o itsise botlhe ka letlha la kopano e e latelang e e kgethegileng ya letsatsi le le lengwe fa e le gore lo setse lo le itse. Pego ka kgatelopele ya tshimo e e sa abiwang. Itsise phuthego ka dithulaganyo tsa September. Botsolotsa mmoledi a le mongwe kgotsa ba le babedi ba ba atlegileng go fitlha jaanong.

15 mets: Simolola Thuto ya Baebele mo Loetong Lwa Ntlha ka September. Motlotlo le bareetsi. Ka September re tla tsamaisa buka ya Baebele e Ruta Eng? le go leka go tlotla ka dirapa di le mmalwa le mong wa ntlo mo loetong lwa ntlha. Boeletsa dikakantsho tse di mo tsenyeletsong ya Tirelo ya Rona ya Bogosi ya March 2006, mme go nne le pontsho e le nngwe kgotsa di le pedi tse di bontshang kafa o ka simololang thuto ya Baebele ka gone mo loetong lwa ntlha.

20 mets: “Kafa Thulaganyo ya Thuto ya Buka ya Phuthego e re Thusang ka Gone.”b Fa o sekaseka serapa 5, akaretsa dikakgelo tse di mo bukeng ya Re Rulaganyeditswe, tsebe 41 serapa 3.

Pina 6 le thapelo e e konelang.

Beke e e Simololang ka August 27

Pina 98

10 mets: Dikitsiso tsa phuthego. Bala pego ya diakhaonto le makwalo ape a a bontshang gore moneelo wa lona o amogetswe. Dirisa dikakantsho tse di mo tsebeng ya 8 kgotsa dipuisano tse dingwe tse di tshwanelang tshimo ya lona go dira dipontsho tse di bontshang gore Tora ya Tebelo ya September 1 le Tsogang! ya September di ka tsamaisiwa jang. Gakolola baboledi go tlisa dipego tsa bone tsa tirelo ya tshimo. Re batla go fitlhelela tlhora e nngwe gape e ntšha ya baboledi ka August. Balebedi botlhe ba dithuto tsa buka ba tshwanetse go tlhomamisa gore mongwe le mongwe mo ditlhopheng tsa bone o tlisitse pego ya gagwe gore dipego tsotlhe di kopanngwe ka September 6. Gape ba tshwanetse go tlhomamisa gore dipego dipe tse di saletseng morago mo ngwageng wa tirelo di newa mokwaledi. Go ka thusa fa mokwaledi a ka dira lenaane la dipego tsotlhe tse di saletseng morago pele ga nako mme a neele molebedi mongwe le mongwe wa setlhopha sa buka lenaane leno.

10 mets: Dilo tse phuthego e tlhokang go di ela tlhoko.

25 mets: “Mokgele o o Molemolemo wa Ngwaga o Mosha wa Tirelo.”c Botsolotsa mmoledi a le mongwe kgotsa ba le babedi ba e neng e le babulatsela ba ba thusang bosheng. Ke diphetogo dife tse ba ileng ba di dira mo thulaganyong ya bone? Ba solegetswe molemo jang? Fa a le gone, mongwe wa ba ba botsolodiwang e ka nna mongwe yo o neng a kgona go nna mmulatsela yo o thusang ka gonne a thusiwa le go tshegediwa ke ba bangwe mo lelapeng la gagwe. Fa o tlotla ka serapa sa 9, umaka letlha la loeto lo lo latelang lwa molebedi wa potologo fa e le gore lo setse lo le itse.

Pina 196 le thapelo e e konelang.

Beke e e Simololang ka September 3

Pina 50

10 mets: Dikitsiso tsa phuthego le dikitsiso tse di tlhophilweng go tswa go Tirelo ya Rona ya Bogosi. Dikgang tsa Puso ya Modimo. Gakolola baboledi go tlisa dipego tsa bone tsa tirelo ya tshimo tsa August.

15 mets: “Re Anaanela Ditshiamelo Tsa Rona!”d Fa nako e letla, kopa bareetsi go akgela ka ditemana tse di umakilweng.

20 mets: “Kafa o ka Dirang ka Gone Gore Batho Ba o Ba Tsamaiseditseng Dimakasine ba Nne Dithuto Tsa Baebele.”e Akaretsa le pontsho e khutshwane ya nngwe ya dikakantsho tse di mo serapeng sa 2. Gakolola baboledi gore thuto ya Baebele e ka begwa fa e tshwerwe makgetlho a le mabedi fa go sena go bontshiwa gore thuto e tshwarwa jang e bile fa o akanya gore thuto e tla tswelela pele.

Pina 2 le thapelo e e konelang.

[Dintlha tse di kwa tlase]