Dikai Tsa Dipuisano Tse di ka Dirisiwang

Go Simolola Dithuto Tsa Baebele ka Matlhatso wa Ntlha ka January

“Bontsi jwa batho ba na le dikakanyo tse di farologaneng ka Modimo. Bangwe ba tsaya gore Modimo ke maatla mangwe a a sa itseweng. Ba bangwe ba mo tsaya e le Rre yo o lorato yo o kwa legodimong. Wena o akanya gore Modimo o ntse jang?” Mo letle gore a arabe. Mmontshe tsebe e e ka fa morago ya makasine wa Tora ya Tebelo ya January 1 lo bo lo sekaseka mmogo tshedimosetso e e ka fa tlase ga potso ya ntlha le bobotlana temana e le nngwe ya tse di umakilweng. Mo neye dimakasine o bo o rulaganya go boela kwa go ene gore lo sekaseke potso e e latelang.

Tora ya Tebelo January 1

“Re etela batho ka bokhutshwane go tlotla le bone ka sengwe se se re amang rotlhe—go swelwa ke mongwe yo re mo ratang. A o dumalana le nna gore go swelwa ke tsala kgotsa mongwe wa losika yo o mo ratang ke sengwe sa dilo tse di thata go gaisa tse motho a ka lebanang le tsone? [Mo letle gore a arabe.] Batho ba le bantsi ba gomoditswe ke temana eno ya Baebele. [Bala Isaia 25:8.] Makasine ono o bua ka tsholofetso e e kgothatsang ya Baebele ya gore loso lo tla fela le gore batho ba re ba ratang ba tla boa ba tshela gape.”

Tsogang! January

“A o dumalana le nna gore malapa a lebana le dikgatelelo tse dintsi gompieno? [Mo letle gore a arabe.] Seane seno sa Baebele se re bolelela gore batho ba tlhoka eng gore ba age le go nonotsha malapa a bone. [Bala Diane 24:3.] Batho ba le bantsi ba lemogile fa Baebele e le motswedi o o ka ikanngwang wa botlhale. Makasine ono o tlhalosa Web site nngwe e e tlhomologileng e e theilweng mo Baebeleng e e nang le didirisiwa dingwe tsa mahala tse di ka thusang malapa.”