Go Tswa Egepeto go ya Lefatsheng le le Solofeditsweng
BATHO gongwe le gongwe ba itse ka Phudugo ya go tswa kwa Egepeto. Mme gone Moshe le batho ba Modimo ba ne ba tlile go lebana le maemo afe fa ba sena go kgabaganya Lewatle le Lehibidu? Ba ne ba leba kae, mme ba ile ba fitlha jang kwa Nokeng ya Joredane gore ba tsene mo Lefatsheng le le Solofeditsweng?
Mokgele wa bone e ne e le go fitlha kwa lefatsheng la Kanana, mme Moshe ga a ka a tsaya tsela e e khutshwane—ya dikilometara di ka nna 400 go iphaphatha le lotshitshi lo lo motlhaba—e e neng e tlile go tsena ka tlhamalalo mo nageng ya mmaba ya Filisitia. Le gone ga a ka a ralala dipoa tse di lokgarapana tsa kalaka le tse di mogote thata tse di mo karolong e e kgolo ya bogare jwa Pheninsula ya Sinai. Nnyaa, Moshe o ne a isa batho kwa borwa, mo dipoeng tsa lotshitshi tse di tshesane le tse di fologelang. Ba ne ba thibelela la ntlha kwa Mara, kwa Jehofa a neng a dira gore metsi a a bogalaka a nne monate gone.a E ne ya re fa batho ba sena go tswa kwa Elime, ba ngongoregela dijo; Modimo a romela makwetekwio, mme go tswa foo a ba naya mana. Kwa Refidime, batho ba ne ba boa gape ba ngongoregela metsi, Baamaleke ba ba neng ba tlhasela ba ne ba fenngwa mme mogogwadie Moshe o ne a mo kgothaletsa gore a tlhome banna ba ba nang le bokgoni gore ba mo thuse.—Ek 15-18.
Go tswa foo Moshe o ne a etelela Baiseraele pele go ela ka kwa dithabeng tse di kwa borwa, ba bo ba thibelela kwa Thabeng ya Sinai. Batho ba Modimo ba ne ba amogela Molao fa ba le koo, ba aga motlaagana le go ntsha ditlhabelo. Mo ngwageng wa bobedi, ba ne ba ela kwa bokone go ralala “naga e kgolo le e e boitshegang,” loeto lo lo neng lo ba isa kwa kgaolong ya Kadeshe (Kadeshe-barenea) lo go bonalang lo ile lwa tsaya malatsi a le 11. (Dut 1:1, 2, 19; 8:15) E re ka batho ba ile ba boifa fa ba sena go utlwa pego e e sa siamang ya ditlhodi tse di lesome, ba ne ba tshwanelwa ke go kgarakgatshega ka dingwaga di le 38. (Dip 13:1–14:34) Mangwe a mafelo a ba neng ba thibelela mo go one e ne e le Aberona le Esione-gebere, go tswa foo ba boela gape kwa Kadeshe.—Dip 33:33-36.
Fa kwa bofelong e setse e le nako ya gore Baiseraele ba tsene mo Lefatsheng le le Solofeditsweng, ga ba a ka ba ya kwa bokone ka tlhamalalo. Ba ne ba tsaya tsela e e neng e ba potolosa lefatshe la botlhokwa la Edoma mme ya ba tlhatlhosetsa kwa “tseleng ya kgosi,” e leng Tselakgolo ya Kgosi. (Dip 21:22; Dut 2:1-8) Go ne go se motlhofo gore setšhaba sotlhe se tsamaye mo tseleng eno ka bana, ka diruiwa le ka ditente. Ba ne ba tshwanetse go fologela ka tsela e e matsoketsane ba bo ba tlhatloga gape ka megogoro e e boitshegang—ya Sereda le ya Arenone (e e boteng jwa dimetara di ka nna 520).—Dut 2:13, 14, 24.
Kgabagare Baiseraele ba ne ba fitlha kwa Thabeng ya Nebo. Miriame o ne a swetse kwa Kadeshe, Arone ene kwa Thabeng ya Hore. Jaanong Moshe o ne a swa a le gaufi le lefatshe le a neng a eleditse go tsena mo go lone. (Dut 32:48-52; 34:1-5) Joshua ke ene yo o neng a etelela Baiseraele pele go tsena mo Lefatsheng le le Solofeditsweng, a wetsa loeto lo lo simologileng dingwaga di le 40 pelenyana.—Jos 1:1-4.
[Ntlha e e kwa tlase]
a Bontsi jwa mafelo a ba neng ba thibelela mo go one ga go itsiwe sentlentle gore a fa kae.
[Lebokoso mo go tsebe 8]
DIBUKA TSA BAEBELE GO TLOGA KA NAKO ENO:
Genesise
Ekesodo
Lefitiko
Dipalo
Duteronome
Jobe
Pesalema (Karolo ya yone)
[Mmapa mo go tsebe 9]
(Go bona mokwalo o o feletseng, leba kgatiso)
Tsela ya Khudugo
Tsela e Baiseraele ba Neng ba e Tsaya
A7 EGEPETO
A5 Ramesese?
B5 Sukothe?
C5 Ethame?
C5 Pihahirothe
D6 Mara
D6 Elime
E6 NAGA YA SINE
E7 Dofeka
F8 Refidime
F8 Thaba ya Sinai (Horebe)
F8 NAGA YA SINAI
F7 Kiberothe-hataafa
G7 Haserothe
G6 Rimone-perese
G5 Risa
G3 Kadeshe
G3 Bene-jaakane
G5 Horo-hagidegade
H5 Jotebatha
H5 Aberona
H6 Esione-gebere
G3 Kadeshe
G3 NAGA YA TSINE
H3 Thaba ya Hore
H3 Salemona
I3 Punone
I3 Aye-abarime
I2 MOABE
I2 Dibone
I1 Alemona-dibelathaime
H1 Jeriko
[Mafelo a mangwe]
A3 GOSHENE
A4 One
A5 Memefise (Nofe)
B3 Soane
B3 Tapanese
C5 Migedole
D3 SHURE
D5 NAGA YA ETHAME
F5 NAGA YA PARANA
G1 FILISITIA
G1 Ashedoda
G2 Gasa
G2 Beere-sheba
G3 Asemone
G3 NEGEBE
H1 Jerusalema
H1 Heberone (Kiriathe-areba)
H2 Arada (Mokanana)
H4 SEIRE
H4 EDOMA
I7 MIDIANA
Ditsela Tse Dikgolo
Tsela e e yang kwa Lefatsheng la Bafilisitia
Tsela e e yang kwa Shure
I4 Tsela ya Kgosi
Tsela ya Mokoloko
Tsela ya El Haj
[Dithaba]
F8 Thaba ya Sinai (Horebe)
H3 Thaba ya Hore
I1 Thaba ya Nebo
[Metswedi ya metsi]
E2 Lewatle la Mediterranean (Lewatle le Legolo)
D7/G7 Lewatle le Lehibidu
I1 Lewatle la Letswai
[Dinoka le melapo]
A6 Noka ya Nile
F3 M.P. wa Egepeto
I2 Arenone
I3 Serada
[Setshwantsho mo go tsebe 8]
Mekoloko ya batsamai e ne ya kgabaganya Pheninsula ya Sinai
[Setshwantsho mo go tsebe 8]
Baiseraele ba ne ba thibelela fa pele ga Thaba ya Sinai
[Setshwantsho mo go tsebe 9]
Metsi a ne a tswa mo metsweding e e kwa Kadeshe kana gaufi le yone
[Setshwantsho mo go tsebe 9]
Baiseraele botlhe ba ne ba tshwanelwa ke go kgabaganya mokgatšha o o phothoselang wa Arenone