Matseno a Karolo 5

Baiseraele ba ne ba fitlha kwa Thabeng ya Sinai dikgwedi di le pedi morago ga gore ba kgabaganye Lewatle le Lehibidu. Fa ba le koo, Jehofa o ne a dira tumalano le bone gore e tla nna setšhaba sa gagwe se a se itlhophetseng. O ne a ba sireletsa le go ba naya sengwe le sengwe se ba se tlhokang, jaaka dijo, diaparo tse di sa senyegeng le lefelo le le sireletsegileng. Fa o na le bana, ba thuse go tlhaloganya lebaka la go bo Jehofa a ne a naya Baiseraele Molao le tente ya kobamelo le go dira gore go nne le baperesiti. Ba bontshe gore ke ka ntlha yang fa go le botlhokwa go diragatsa se re se solofeditseng, go nna boikokobetso le go tshepa Jehofa ka metlha.