Akanyetsa ba Bangwe

Se Jesu a Ileng a se Dira

BIDIO: Jesu o Tlhomogela Batho Pelo

1. Lebelela BIDIO, kgotsa bala Mareko 6:30-34. Go tswa foo, ipotse dipotso tse di latelang:

1. Goreng Jesu le baaposetoloi ba gagwe ba ne ba batla ‘go nna ba le bosi fela’?

2. Goreng Jesu a ile a ruta batho?

Re Ithuta Eng mo go Jesu?

2. Re batla go bolelela batho ba bangwe dikgang tse di molemo, mme gone re a ba akanyetsa.

Etsa Jesu

3. Reetsa ka kelotlhoko. Fa o tlotla le motho, mo letle gore a go bolelele gore o ikutlwa jang. O se ka wa mo tsena ganong kgotsa wa mo tlhokomologa fa a go bolelela gore o ikutlwa jang, o tshwenyegile ka eng kgotsa fa go na le dilo dingwe tse a sa dumalaneng le wena ka tsone. Fa o mo reetsa ka kelotlhoko, o mmontsha gore o batla go itse gore o akanya eng.

4. Akanya ka ene. Akanya ka se lo tlotlileng ka sone mme o ipotse go re:

1. ‘Goreng a tlhoka go itse boammaaruri?’

2. ‘Go ithuta Baebele go tla tokafatsa botshelo jwa gagwe jang gone jaanong le mo nakong e e tlang?’

5. Tlotla le ene ka dilo tse di tla mo thusang. Mmontshe gore go ithuta Baebele go ka araba dipotso tsa gagwe jang le gore go ka mo thusa jang.