Botshelo le bodihedi tsa ga Jesu

MORAGO ga fa Jesu a sena go naya baaposetoloi ba gagwe ditao, o ba romela mo tshimong ka bobedi ka bobedi. Kwantle ga pelaelo barwarre e leng Petere le Anderea ba ne ba tsamaya mmogo, jaaka go ne go ntse ka Jakobe le Johane, Filipo le Baretholomea, Thomase le Mathaio, Jakobe le Thadaeo, le Simone le Judase lsekariota. Ditlhopha tse thataro tseno tsa batsamaisa mafoko a a molemo ka bobedi ka bobedi ba bolela mafoko a a molemo a Bogosi le go dira diphodiso ka tsela e e gakgamatsang gongwe le gongwe koo ba yang gone.

Ka nako eo, Johane Mokolobetsi o santse a le mo ntlong ya kgolegelo. O na le mo e ka nnang dingwaga di le pedi a le koo jaanong. O ka nna wa gakologelwa gore Johane o ne a ile a bua puo phaa gore go ne go le phoso gore Herode Antipase a tseye Herodiase, mosadi wa ga morwarraagwe eleng Filipo, jaaka mosadi wa gagwe. Ereka Herode Antipase a ne a iphaka gore o latela Molao wa ga Moshe, Johane o ne a ile a senola bokopano jono jwa boaka ka tshwanelo. Ke ka ntlha ya seno go bo Herode a ne a dira gore Johane a latlhelwe mo ntlong ya kgolegelo, gongwe ka ntlha ya go tlhotlhelediwa ke Herodiase.

Herode Antipase o lemoga gore Johane ke monna yo o siameng mme ebile o mo reetsa ka boitumelo. Jaanong o akabetse fela malebana le gore a ka dirang ka ene. Herodiase, kafa letlhakoreng le Iengwe, o tlhoile Johane mme o tswela pele a senka go dira gore a bolawe. Kwa bofelong, sebaka seo a sa bolong go se letela se a tla.

Ka bonakonyana fela pele ga Tlolaganyo ya 32 C.E., Herode o rulaganyetsa mokete o mogolo wa letsatsi la gagwe la matsalo. Bao ba leng gone kwa moletlong oo ke bakantoro botlhe ba maemo a a kwa godimo ba ga Herode le balaodi ba mephato ya sesole, gammogo le baagi ba maemo a a kwa godimo ba Galalea. Fa mantsiboa a ntse a tsena, Salome, ebong morwadia Herodiase le monna wa gagwe wa pele ebong Filipo, o romelwa gore a ye go binela baeng. Batho ba senna ba ba mo bareetsing ba kgatlhiwa ke go bina ga gagwe, goo kwantle ga pelaelo go hepisang thata.

Herode o kgatlhilwe thata ke Salome. “Ntōpa hèla se u se ratañ, me ke tla se gu naea,” o bolela jalo. Ebile o ikana jaana: “Se u tla se ntōpañ hèla, ke tla se gu naea, leha e ka nna bontlhañwe yoa bogosi yoa me.”

Pele ga a araba. Salome o a tswa go ya go buisana le mmaagwe. “Ke tla lōpa eñ?” o botsa jalo.

Sebaka seo se ile sa bo sa tsamaya sa tlal “Tlhōgō ea ga Yohane Mokolobetsi,” Herodiase o araba jalo kwantle ga tlkatiko.

Salome o boela kwa go Herode ka bonako a bo a kopa jaana: “Ke rata gore u nneè tlhōgō ea ga Yohane Mokolobetsi yana hèla yana ka mogocana.”

Herode o hutsafala thata. Lefa go ntse jalo ereka baeng ba gagwe ba ile ba utlwa ikano ya gagwe, o a tseana gore a seka a dumela seo, lemororo seno se kaya go bolaya monna yo o senang molato. O akofa a roma leotlana la gagwe kwa ntlong ya kgolegelo ka ditao tsa gagwe tse di tsitsibanyang mmele. Ka bonakonyana fela morago ga moo o boa ka tlhogo ya ga Johane e le mo mogotšaneng. a bo a e naya Salome. Ene. kafa Ietlhokoreng le lengwe, o e isa kwa go mmaagwe Fa barutwa ba ga Johane ba utlwalela seo se diragetseng, ba tla go tsaya setopo sa gagwe le go se fitlha, mme morago ga moo ba begela Jesu kgang eo.

Moragonyana ga moo, fa Herode a utlwa gore Jesu o fodisa batho le go ntshetsa badimona ntle, o a boifa, a tshaba gore Jesu tota ke Johane yoo o tsositsweng mo baswing. Morago ga moo, o eletsa thata go bona Jesu, eseng gore a utlwe thero ya gagwe, mme e le go netefatsa gore a dipoifo tsa gagwe e ne e le tsa boammaaruri. Mathaio 10:1-5; 11:1; 14:1-12; Mareko 6:14-29; Luke 9:7-9.

◆ Ke ka ntlhayang fa Johane a le mo ntlong ya kgolegelo, mme ke ka ntlhayang fa Herode a sa batle go mmolaya?

◆ Herodiase o kgona jang go dira gore kgabagare Johane a bolawe?

◆ Morago ga loso lwa ga Johane, ke ka ntlhayang fa Herode a batla go bona Jesu?

[Setshwantsho se se tletseng mo go tsebe 9]