Pego ya Baboledi ba Bogosi
Jehofa o Tshegetsa Bafinanka ba Gagwe ba ba lkanyegang
JESU o ne a re: “Motlhanka ga a mogolo go heta morena oa gagwe. Ha ba mpogisitse, le lona ba tla to bogisa.” (Yohane 15:20) Mme batlhanka ba ba ikanyegang ba ga Jehofa ba tlhomamisegile gore o tla ba tshegetsa. (Pesalema 18:2; Nahume 1:7) Mo nageng nngwe ya Afrika koo tiro ya Basupi ba ga Jehofa a ganediwang thata gone, Jehofa o ne a tshegetsa batlhanka ba gagwe fa ba ne ba bediwa le go tshwarwa, fela jaaka pego e e latelang a bontsha:
“Molebedi mongwe yo o etang le bakaulengwe bangwe ba bane ba lefelo leo ba ne ba tshwarwa mme ba latlhelwa mo kamorenyaneng e nnye a gantsi go neng go bewa dintsa tse di timetseng mo go yone,” pego a bega jalo. “Ba ne ba bewa moo ka malatsi a le 123 ba apere diaparo tsa kafa teng fela mme ba bile ba sa letlelelwe go ya kwa ntlwaneng ya boithomelo.” Leloko lengwe la Palamente le ne la utlwa ka maemo ano a bosetlhogo mme la simolola go bua kgatlhanong le gone, mme kgabagare, bakaulengwe bao ba ne ba gololwa morago ga malatsi a le 123. Jehofa o ne a tshegetsa bakaulengwe ba ba ikanyegang bano ka moya wa gagwe.
Boitemogelo jo bongwe go tswa kwa go yone naga eo bo bontsha ka moo tiro ya go rera a nang le matswela a a mosola ka gone. Pego a anela jaana: “Batho ba motse mongwe ba ne ba itsege ba rata ntwa le go tsuolola. Lefa go ntse jalo, morago ga gore Basupi ba ga Jehofa ba rere koo, ba bantsi ba ne ba simolola go tlotla balaodi ba lefelo leo mme ba simolola go dira ditiro tsa semorafe tsa mo ditseleng beke nngwe le nngwe.” Kgosi nngwe ya mo lefelong leo e ne ya batla go itse lebaka la go bo boikutlo jwa batho bano bo fetogile mme a ne ya bolelelwa gore: “Ke ka ntlha ya thuto ya ‘moruti’ mongwe wa Basupi ba ga Jehofa.” “Kgosi eno a ne ya ntaleletsa kwa ntlung ya gagwe tsatsi lengwe,” ga bua jalo Mosupi yoo, “mme a nkgothaletsa go tswelela pele ka tiro eno e e molemo. O ne a nnaya koko e tona jaaka mpho go a ja le balelapa la me.” Ka lekgetlo le lengwe, ratoropo wa lefelo leo o ne a etela mokaulengwe yono, mme mokaulengwe o ne a mo amogela mme a mo neela bosupi. Ratoropo yoo “o ne a kopa dimakasine mme a bua jaana, ‘Ga re bone phoso epe mo go seo le se dirang. Nnang to ntse to kopa. Ga re a fiwa tetla epe ya go le tshwarwa. Ke akanya gore Puso e tla sekaseka bothata jwa lona ka bonako.”’
Mmulatsela mongwe yo o kgethegileng o kwala jaana: “Kgosi ya mo lefelong la rona a ne ya laela gore ke tshwarwe le go latlhelwa mo kgolegelong mo kamoreng e e neng a tladitswe leswe ke motlhapo wa diphologolo le motshotelo, ka ntlha ya go latofadiwa ke mokwaledi wa phathi nngwe ya bopolotiki. Ke ne ka bewa mo lefifing leno ka malatsi a matihano. Mo tseleng, ke ne ka rapela Jehofa mme ka gakologelwa Pesalema 50:15. Balebedi ba koo ba ne ba ntlhomogela pelo mme ba tlogela mojako o sa tswalwa thata gore ke bone moya o o phepa oo nka o hemang. Morago ga malatsi a matlhano mo kgolegelong eno, ke ne ka lekiwa ka go newa podi gore ke e ise kwa kgosing ya lefelo leo, go se ope yo o ntisitseng. Ereka ke He ka seka ka ngwega, ke ne ka goloIwa tsatsi le letsatsi go tloga ka 3:00 p.m. go fitlha ka 7:00 p.m. Ke ne ke kgona go kopana le bakaulengwe mme re kgona go rera mmogo. Le eleng lefa mo nakong e e boima eno ke ne ka Iwala moo baba ba me ba neng ba solofela gore ke tla swa, Jehofa ga a ka a ntlogela. Boitemogelo jono bo ne jwa nkatamalanya le Jehofa, mme ke tlhomamtsega gore pogiso ga a kitla e nkgaoganya le batho ba ga Jehofa.”—Bapisa Baroma 8:35-39.
Basupi ba ga Jehofa ba anaanela ka moo Modimo o ba tshegetsang ka gone mo dinakong tsa mathata. Ba anaanela le bao ba ba bontshang bopelonomi fa ba ntse ba dira tiro eno e e botlhokwa thata ya go boloka matshelo ya go rera mafoko a a molemo. Jehofa ga a kitla a lebala bopelonomi jo bo ntseng jalo.—Mathaio 25:40.