Dikgang Tsa Puso ya Modimo

Afrika Borwa: Re itumelela go lo itsise ka go kgakolwa ga Holo ya Bogosi ya nngwe le nngwe ya diphuthego tse di latelang: Bosplaas (kwa bokone jwa Pretoria), Hoekfontein (kwa bokone jwa Pretoria), Ntuzuma (KwaMashu), Padfield Park (kwa Pinetown), Reiger Park (kwa Boksburg), le Wellington. Diphuthego tsa Elsiesrivier (kwa Cape Town) le tsone di ne tsa ipelela go kgakola Holo ya tsone ya Bogosi e e neng e tsosolosiwa. Makgolokgolo a baithaopi a ne a thusa go dira mo ditirong tseno. Re eletsa go ba leboga botlhe ka kemo nokeng ya bone e e molemo. Go fitlha jaanong, go setse go kgakotswe Diholo tsa Bogosi di le 19 ka 1993.

Lesotho: Baboledi ba ba neng ba bega ka April ba ne ba le 1 895, e e neng e le koketsego ya 19 lekgolong go feta palogare ya ngogola.

Madagascar: Ba fetile letshwao la 5 000 ka May fa go ne go bega baboledi ba le 5 013.