Lebokoso la Dipotso

◼ Ke ka ntlha yang fa re tshwanetse go nna kelotlhoko fa re neela bosupi ka lekwalo?

Go neela bosupi ka lekwalo ke mokgwa o o itshupileng o na le matswela wa go bolelela ba bangwe dikgang tse di molemo. Le fa go ntse jalo, ditiragalo tsa lefatshe tsa bosheng di dirile gore batho ba tshabe go bula makwalo a ba sa itseng gore a tswa kwa go mang. Gantsi dienfelopo tse go sa itsiweng gore di tswa kwa go bomang kgotsa tse di se nang aterese ya moromedi di a belaelwa, segolobogolo fa di kwadilwe ka seatla e bile di tletse. Beng ba matlo ba ka latlha makwalo a a ntseng jalo ba sa a bula. Re ka dira jang gore seno se se ka sa direga?

Fa go kgonega, lekwalo le enfelopo ya lone di thaepiwe. Enfelopo e kwalwe leina la motho yo lekwalo le yang kwa go ene. O se ka wa e kwala fela “Mong wa Ntlo.” Mo godimo ga moo, ka metlha o kwale aterese ya gago. Fa e le gore ga go botlhale go kwala aterese ya gago, o kwale leina la gago le aterese ya Holo ya Bogosi. O se ka wa romela makwalo a go sa itsiweng kwa a tswang teng. Le ka motlha o se ka wa dirisa aterese ya ofisi ya lekala.—Bona Lebokoso la Dipotso mo kgatisong ya Tirelo ya Rona ya Bogosi ya November 1996.

O ka bona dikakantsho tse di oketsegileng le lekwalo la sekao mo bukeng ya Solegelwa Molemo ke Thuto ya Sekolo sa Bodiredi sa Puso ya Modimo, ditsebe 71-3. Dikakantsho tseno di tla re thusa go dirisa makwalo ka tsela e e nang le matswela gore re fitlhelele ba bangwe ka dikgang tse di molemo.