Se re Ka se Buang ka Dimakasine

Tora ya Tebelo Feb. 15

“Batho bangwe ba ipotsa gore a Modimo ke motho wa mmatota. Ba bangwe ba re o gone mme ba na le maikutlo a gore o kgakala thata le bone. A o lemogile seno? [Mo letle gore a arabe.] Bona gore ke ka ntlha yang fa go le botlhokwa gore o itse Modimo ka namana. [Bala Johane 17:3.] Mo ntlheng eno, o tla fitlhela ditlhogo tse di simololang tsa makasine ono di kgatlha.”

Tora ya Tebelo Mar. 1

“Re ka rata go utlwa maikutlo a gago ka temana eno e e kgatlhang. [Bala Mathaio 5:10.] Motho a ka itumela jang fa a bogisiwa? [Mo letle gore a arabe.] Ditlhogo tse pedi tsa ntlha mo makasineng ono di re bolelela ka bangwe ba ba neng ba tswelela ba itumetse le fa ba ne ba bogisiwa. O tla itumelela go bala kafa ba neng ba dira seno ka gone.”

Tsogang! Mar. 8

“A o akanya gore Modimo o ne a ikaeletse gore batho, go akaretsa le bana, ba boge ka ntlha ya phepelotlase? [Mo letle gore a arabe.] Ela tlhoko tsholofetso eno e e gomotsang e e fitlhelwang mo Baebeleng. [Bala Pesalema 72:16.] Makasine ono wa Tsogang! o tlotla ka mabaka a a bakang phepelotlase, mme sa botlhokwa le go feta, o tlotla ka tsholofetso ya Modimo ya gore go ise go ye kae o tla fedisa phepelotlase.”