Poeletso ya Dintlha Tsa Kopano ya Potologo
Dintlha tseno di tla dirisiwa go bona se se tla tlotliwang le go boeletsa thulaganyo ya kopano ya potologo ya ngwaga wa tirelo wa 2005. Setlhogo se se reng, “Thulaganyo e Ntšha ya go Boeletsa Dintlha Tsa Kopano,” se se tlhagang mo go tsebe 4 ya tsenyeletso eno se tlhalosa kafa poeletso eno e tla tshwarwang ka gone. Ka nako ya poeletso, dirisa nako ya gago ka tsela e e tla go letlang gore o botse dipotso tsotlhe. Poeletso e tshwanetse go thusa bareetsi go bona gore ba ka dirisa jang tshedimosetso e ba ithutileng yone.
THULAGANYO YA MO MOSONG YA LETSATSI LA NTLHA
1. Ke eng se se tla re thusang go bona botlhale jo bo tswang kwa Modimong?
2. Ke maiteko afe a batho ba mo potologong ba a dirileng gore ba kgone go fitlhelela batho ba ba oketsegileng ka dikgang tse di molemo?
THULAGANYO YA THAPAMA YA LETSATSI LA NTLHA
3. Ke ka ntlha yang fa go le botlhokwa gore Bakeresete ba nne ba sa iteswafatsa mo teng? Mme seno re ka se fitlhelela jang?
4. Re ka bontsha jang gore re batla go tshela ka kagiso le bakaulengwe ba rona?
5. Go nna tekatekano go rayang, mme re ka go bontsha jang mo tseleng e re dirisang nako ya rona ka yone?
6. Re ithuta eng mo dikaong tsa ga Saulo le Noa? Re ka bontsha ka ditsela dife gore re “iketleeleditse go utlwa”? (Jak. 3:17)
7. Bakeresete ba ka dira jang gore ba se ka ba tshela botshelo jwa boitimokanyi?
8. Re ka etsa jang sekao sa ga Paulo fa re bua ka botlhale jwa Modimo?
THULAGANYO YA MO MOSONG YA LETSATSI LA BOBEDI
9. Ke ka ntlha yang fa re tshwanetse go nna kelotlhoko fa re tlhopha ditiro tse re di dirang, mme ke eng se se tla re thusang go dira jalo?
10. Ke maiteko afe a batho bangwe mo potologong ba a dirang gore ba nne gone mo dipokanong ka metlha, mme go dira jalo go ba solegetse molemo jang?
11. Ditlhogo tsa malapa di ka aga jang malapa a tsone?
12. Ke dilo dife tse re tlhokang go di ela tlhoko mo potologong ya rona?
THULAGANYO YA THAPAMA YA LETSATSI LA BOBEDI
13. Jaaka go bontshitswe mo puong ya phatlalatsa, botlhale jo bo tswang kwa godimo bo tlhagisitse ditiro dife tsa tshiamo?
14. Ke ka ntlha yang fa e le boeleele go ikanya botlhale jwa rona kgotsa jwa batho ba ba sa kaelweng ke botlhale jo bo tswang kwa godimo? Ke kae mo re tshwanetseng go nna kelotlhoko gone?
15. Botlhale jo bo tswang kwa Modimong bo re sireletsa mo mameneng afe?
16. Ke ka ntlha yang fa go le botlhokwa gore re dirise kgakololo e re e rutilweng mo thulaganyong ya kopano ya potologo?