Kafa re ka Buelelang Dimakasine ka Gone

Tora ya Tebelo Apr. 15

“Mo e ka nnang mongwe le mongwe o dumela gore sengwe sa dilo tse di dirang gore botshelo jwa lelapa e nne jo bo itumedisang ke puisano e e molemo, le fa go ntse jalo batho ba le bantsi ba fitlhela go le thata go buisana sentle le ba bangwe. O akanya gore ke ka ntlha yang fa go le jalo? [Mo letle gore a arabe.] Makasine ono o ntsha dikakantsho tsa go tokafatsa bokgoni jwa go buisana le ba bangwe.” Bala Jakobe 1:19.

Tsogang! Apr.

“Batho ba le bantsi ba re sefapaano se dira gore ba ikutlwe ba atamalane le Modimo. Le fa go ntse jalo, bangwe ba ipotsa jaana: A go tshwanetse go tlotla selo se Jesu a bolaetsweng mo go sone? A ruri Jesu o swetse mo sefapaanong? Setlhogo se se simololang mo tsebe 12 se sekaseka dipotso tseno go ya ka Baebele.” Bala Ditiro 5:30.

Tora ya Tebelo May 1

“Batho ba le dimilione mo lefatsheng lotlhe ba sotlwa ke lehuma. O akanya gore go ka dirwa eng go ba thusa? [Mo letle gore a arabe. Morago ga moo bala 1 Petere 2:21.] Makasine ono o tlhalosa kafa re ka latelang sekao sa ga Jesu ka gone ka go amega ka bahumanegi.”

Tsogang! May

“A o kile wa ipotsa gore ke ka ntlha yang fa re tsofala? [Mo letle gore a arabe.] Tlhaloso ya Baebele ya gore ke ka ntlha yang fa re tsofala e bontsha kafa Modimo a dirileng gore go kgonege ka gone gore re itumelele botshelo jo bo sa khutleng. [Bala Isaia 25:8.] Makasine ono wa Tsogang! o sekaseka dikgopolo dingwe tsa bosheng tse di kaga go tsofala.”