Dikai Tsa Dipuisano Tse di ka Dirisiwang

Dikgang Tsa Bogosi No. 38

“Ke mo letsholong le le dirwang mo lefatsheng lotlhe la go anamisa molaetsa ono wa botlhokwa. Pampitshana ya gago ke e.”

Ela tlhoko: E le gore lo kgone go dira tshimo yotlhe, bua ka bokhutshwane. Le fa go ntse jalo, mo maemong a mangwe mong wa ntlo a ka bontsha kgatlhego ya mmatota mme a rate gore lo tswelele ka motlotlo. Fa go ntse jalo, o ka nna wa mmotsa gore a ka araba jang potso e e ka fa ntle o bo o mmalela karabo ya Baebele e e bontshitsweng mo teng mme lo tlotle ka dingwe tsa diteng tsa pampitshana eno fa nako e letla. Pele o tsamaya, mmontshe potso e e ka fa morago e e reng, “Se o Ka Akanyang ka Sone” mme o dire dithulaganyo tsa gore o boe lo tle go tlotla ka yone.

Tora ya Tebelo November 1

“Go ya ka wena, ke maaka afe a magolo a a kileng a buiwa ka Modimo? [Mo letle gore a arabe.] Baebele ya re Modimo o batla gore batho ba mo rate le go mo ikanya. [Bala Isaia 41:13.] Makasine ono o senola dilo tse tharo tse go tlwaelegileng gore go buiwe maaka ka tsone ka Modimo tse di dirileng gore go nne thata gore batho bangwe ba atamalane le ene.”

Tsogang! November

“Re etela batho ka bokhutshwane ka gonne batho ba le bantsi ba amegile ka gore go lebega melao ya boitsholo e fela. A o akanya gore batho mo setšhabeng ba repisitse melao ya boitsholo? [Mo letle gore a arabe.] Baebele e ne ya bolelela pele gore mekgwa ya batho le boitshwaro jwa bone bo ne bo tla fetoga. [Bala 2 Timotheo 3:1-5.] Makasine ono o tlhalosa lebaka la go bo re ka ikanya melao ya boitsholo e e mo Baebeleng.”