Go Tokafatsa Bokgoni Jwa Rona mo Bodireding—Kwalela Batho Makwalo

GORENG GO LE BOTLHOKWA: Buka ya 1 Bakorintha ke nngwe ya makwalo a le 14 a moaposetoloi Paulo a ileng a a kwala go kgothatsa Bakeresete. Fa o kwala lekwalo, o kgona go tlhopha mafoko a gago sentle e bile motho a ka kgona go nna a le bala kgapetsakgapetsa. Tsela e e molemo ya go rerela ba masika le batho ba o ba itseng ke ka go ba kwalela makwalo. Gape fa o dirisa makwalo, o ka kgona go rerela le batho ba o sa kgoneng go kopana le bone. Ka sekai, motho a ka batla go itse molaetsa wa Baebele mme o sa nke o mo fitlhela kwa a nnang teng. Go ka nna thata gore re rerele ba bangwe ka gonne ba nna kwa mafelong a go sa tsenweng motlhofo kwa go one kgotsa ba nna kgakala thata. Ke dilo dife tse o tshwanetseng go nna o di gopotse fa o kwalela motho yo o sa mo itseng?

SE O KA SE DIRANG:

• 

  Kwala se o neng o tla se bua fa o ka bo o kopane le mong wa ntlo. Simolola ka go ikitsise mme o tlhalose lebaka la go bo o mo kwaletse. Go tswa foo, o ka mmotsa potso e a ka akanyang ka yone o bo o mmolelela ka jw.org. Mo tlhalosetse gore thuto ya Baebele e tshwarwa jang kgotsa mmolelele ka ditlhogo dingwe tse di mo dikgatisong tse re di dirisang fa re ithuta Baebele le batho. O ka tsenya karata ya go ikgolaganya le Basupi, taletso kgotsa pampitshana mo enfelopong

• Nna mokhutshwane. Fa lekwalo le le leleele, le ka dira gore motho yo o le balang a lape ka bonako.—Bona sekai

• Dira gore lekwalo la gago le se ka la nna le diphoso, le balege motlhofo le gore mafoko a o a dirisitseng a kgothatse motho yo o mo kwalelang