A o Reetsa Mmalo wa Baebele o o Rekotilweng?

Mmalo wa Baebele o o rekotilweng ke eng? Ke dibuka tsa Baebele tse di rekotilweng tse di tswang mo Baebeleng ya Thanolo ya Lefatshe le Lesha e e tlhabolotsweng. Mmalo ono o nna o gololwa mo dipuong tse di farologaneng. Se se itumedisang ke gore go dirisiwa mantswe a a farologaneng go bontsha gore go bua motho yo mongwe mo ditemaneng tse di balwang. Fa mmalo wa Baebele o o rekotilweng o balwa, go tsenngwa maikutlo gore molaetsa wa Baebele o utlwale sentle.

Bangwe ba solegelwa molemo jang ke go reetsa mmalo wa Baebele o o rekotilweng? Bangwe ba ba reetsang mmalo ono wa Baebele, ba rata kafa o dirang gore Lefoko la Modimo le nne selo sa mmatota mo go bone. Fa ba utlwa mantswe a a farologaneng mo ditemaneng, go nna jaaka o ka re ba bona se se diregang e bile seo se ba thusa gore ba kgone go tlhaloganya se se kwadilweng sentle. (Dia 4:5) Gape bangwe ba reetsa mmalo ono wa Baebele o o rekotilweng gore o ba gomotse fa ba tlhobaela.—Ps 94:19.

Go utlwa lefoko la Modimo le balwa go ka re solegela molemo. (2Dt 34:19-21) Fa e le gore mmalo wa Baebele o o rekotilweng o gone ka puo e o e tlhaloganyang, a o ka itlwaetsa go o reetsa?

LEBANG BIDIO YA KAFA MMALO WA BAEBELE O REKOTIWANG KA GONE—BIDIO E E KHUTSHWAFADITSWENG, LO BO LO ARABA POTSO E E LATELANG:

Ke eng se se go kgatlhang ka tsela e mmalo wa Baebele o rekotilweng ka gone?