Botshelo Jwa ga Esekiele

Leina Esekiele, le kaya “Modimo o a Nonotsha.” Le fa boporofeti jwa ga Esekiele bo na le ditlhagiso tse dintsi, molaetsa wa gagwe o nonotsha tumelo ya ba ba batlang go obamela Modimo ka tsela e a e amogelang.

BAPOROFETI BA NAKO YA GA ESEKIELE

• 

  JEREMIA,

  o ne a tswa mo lelapeng la baperesiti, o ne a direla thata kwa Jerusalema (647-580 B.C.E.)

• 

  HULEDA

  o ne a direla fa buka ya Molao e ne e bonwa kwa tempeleng mo e ka nnang ka 642 B.C.E.

• 

  DANIELE,

  o ne a tswa mo lotsong lwa segosi lwa Juda, o ile a isiwa botshwarwa kwa Babelona ka 617 B.C.E.

• 

  HABAKUKE

  a ka tswa a ne a direla kwa Juda fa Jehoiakime a ne a simolola go busa

• 

  OBADIA

  o ne a bua ka katlholo e e neng e tla tlela Edoma, gongwe ka nako ya fa Jerusalema e ne e senngwa

BA ILE BA POROFETA LENG? (B.C.E.)

DITIRAGALO TSA BOTLHOKWA MO BOTSHELONG JWA GA ESEKIELE (B.C.E.)

1. mo e ka nnang ka 643: O a tsholwa

2. 617: O isiwa botshwarwa kwa Babelona

3. 613: O simolola go porofeta; o bona ponatshegelo ya ga Jehofa

4. 612: O bona ponatshegelo ya dilo tse di maswe tse di diregang kwa tempeleng

5. 611: O simolola go bua ka katlholo e e tla tlelang Jerusalema

6. 609: Mosadi wa gagwe o a swa mme Bababelona ba kampa go dikologa Jerusalema lekgetlo la bofelo

7. 607: O amogela molaetsa wa gore Jerusalema e sentswe

8. 593: O bona ponatshegelo ya tempele

9. 591: O bolelela pele gore Nebukadenesare o tla tlhasela Egepeto; o fetsa go kwala buka ya gagwe

DIKGOSI TSA JUDA LE TSA BABELONA

1. 659-629: Josia o thusa batho gore ba boe ba obamele Jehofa ka tsela e e mo itumedisang a bo a bolawa kwa ntweng kgatlhanong le Faro Neko

2. 628: Jehoahase o busa ka tsela e e sa siamang dikgwedi di le tharo a bo a isiwa botshwarwa ke Faro Neko

3. 628-618: Jehoiakime ke kgosi e e bosula e bile Faro Neko o mo dira kgosi ya maemo a a kwa tlase

4. 625: Nebukadenesare o fenya masole a Egepeto

5. 620: Nebukadenesare o tlhasela Juda lekgetlo la ntlha a bo a dira Jehoiakime kgosi ya maemo a a kwa tlase kwa Jerusalema

6. 618: Jehoiakime o tlhanogela Nebukadenesare, mme go bonala a ile a bolawa fa Bababelona ba tlhasela Lefatshe le le Solofeditsweng lekgetlo la bobedi

7. 617: Jehoiakine, yo gape a bidiwang Jekonia o busa ka tsela e e sa siamang dikgwedi di le tharo a bo a ineela mo go Nebukadenesare

8. 617-607: Sedekia yo o bosula e bile e le legatlapa o dirwa kgosi ya maemo a a kwa tlase ke Nebukadenesare

9. 609: Sedekia o tlhanogela Nebukadenesare, mme Nebukadenesare o tlhasela Juda lekgetlo la boraro

10. 607: Nebukadenesare o senya Jerusalema, o golega Sedekia, o a mo foufatsa a bo a mo isa Babelona