LAIPELI Taua Le‘o ‘I HE ‘INITANETÍ
Taua Le‘o
LAIPELI ‘I HE ‘INITANETÍ
Faka-Tonga
ʻ
  • ʻ
  • ā
  • ē
  • ī
  • ō
  • ū
  • TOHI TAPU
  • ‘Ū TOHI
  • NGAAHI FAKATAHA
  • g18 Fika 2 p. 10
  • 7 Akoʻi Fakaeʻulungaanga

‘Ikai ala ma‘u ha vitiō

Kātaki, ‘oku ‘ikai ma‘u ha vitiō.

  • 7 Akoʻi Fakaeʻulungaanga
  • ʻĀ Hake!—2018
  • Kaveinga Tokoni
  • Fakamatala Meimei Tatau
  • KO HONO ʻUHINGÁ
  • ʻUHINGA ʻOKU MAHUʻINGA AÍ
  • MEʻA ʻE LAVA KE KE FAÍ
  • Tuʻunga Fakaeʻulungāngá
    ʻĀ Hake!—2019
  • Tēkina ʻi ha Tahi ʻo e Ngaahi Tuʻunga Feliliuaki
    Ko e Taua Leʻo ʻOku Fanongonongo Ai ʻa e Puleʻanga ʻo Sihová—2007
  • Fakahūhū ʻa e Tuʻunga Fakaeʻulungaangá ki Hoʻo Fānaú
    Ko e Taua Leʻo ʻOku Fanongonongo Ai ʻa e Puleʻanga ʻo Sihová—2011
  • Taulaʻaki ʻa e Ngaahi Tuʻunga Tuʻuloa
    Ko e Taua Leʻo ʻOku Fanongonongo Ai ʻa e Puleʻanga ʻo Sihová—2007
Sio ki he Me‘a Lahi Ange
ʻĀ Hake!—2018
g18 Fika 2 p. 10
Ngāueʻaki ʻe ha tamai mo haʻane kiʻi foha ha kāpasa ki ha tataki

Ko e ʻulungaanga leleí ʻoku hangē ha kāpasa falalaʻangá, te ne tokoniʻi hoʻo tamá ke ʻiloʻi ʻa e hala ke fou aí

KI HE MĀTUʻÁ

7 Akoʻi Fakaeʻulungaanga

KO HONO ʻUHINGÁ

ʻI he tuʻunga ko e mātuʻa, ʻoku ʻi ai hoʻo ngaahi tuʻunga fakafoʻituitui ʻokú ke fili ke moʻuiʻaki. Ko e fakatātaá, ʻokú ke feinga ke faitotonu ʻi he meʻa kotoa pē? Ngalingali leva ʻokú ke loto ke uhuʻi ʻa e ʻulungaanga ko iá ki hoʻo fānaú.

ʻOkú ke loto foki ke akoʻi kinautolu ki he mahuʻinga ʻo e faʻa ngāué, faitotonú mo e fakaʻatuʻi ki he niʻihi kehé​—ko e ngaahi ʻulungaanga ʻoku sai tahá ke fakatupulekina mei he kei siʻí.

TEFITOʻI MOʻONI FAKATOHITAPU: “Akoʻi ha kiʻi tama ʻi he hala ʻoku totonu ke ne ʻalu aí; naʻa mo e taimi te ne tupu hake ai ʻo motuʻá ʻe ʻikai te ne mavahe mei ai.”​—Palōveepi 22:6, fakamatala ʻi lalo.

ʻUHINGA ʻOKU MAHUʻINGA AÍ

ʻI he kuonga ʻo e tekinolosiá, ʻoku mahuʻinga ʻa e tuʻunga fakaeʻulungāngá. “Ko e tākiekina koví ʻe lava ke maʻu ia ʻi ha meʻangāue toʻotoʻo pē ʻi ha faʻahinga taimi,” ko e lau ia ha faʻē ko Karyn. “Ko e fānaú ʻe lava ke nau tangutu pē ʻi hotau tafaʻakí mo sio ʻi ha meʻa taʻetaau!”

TEFITOʻI MOʻONI FAKATOHITAPU: ‘Ko e kakai matuʻotuʻá ʻoku nau akoʻi ʻenau ngaahi mafai ʻiloʻiló ke fakafaikehekeheʻi ʻa e tonú mo e halá.’​—Hepelū 5:14.

ʻOku mahuʻinga ke fakakaukau ki he niʻihi kehé. ʻOku kau ki ai hono fai ha fanga kiʻi tōʻonga faingofua (hangē ko e lea “kātaki” mo e “mālō”) pea fakahāhā ʻa e tokanga ki he niʻihi kehé​—ko ha ʻulungaanga ʻoku tātātaha ke ʻasi, he ʻoku hā ngali mahuʻingaʻia ange ʻa e kakaí ia ʻi he meʻangāue fakaʻilekitulōniká ʻi he tangatá.

TEFITOʻI MOʻONI FAKATOHITAPU: “Hangē tofu pē ko ia ʻoku mou loto ke fai atu ʻe he kakaí kiate kimoutolú, fai pehē pē kiate kinautolu.”​—Luke 6:31.

MEʻA ʻE LAVA KE KE FAÍ

Fakamatalaʻi hoʻo tuʻunga fakaeʻulungāngá. Ko e fakatātaá, ʻoku hā ʻi he fakatotoló ʻoku ngalingali ke fakaʻehiʻehi ange ʻa e toʻutupú mei he fehokotaki fakasino ki muʻa ke malí kapau naʻe ʻosi fakamatalaʻi mahino ange ʻoku hala ʻa e tōʻonga ko iá.

FOKOTUʻU: Ngāueʻaki ha meʻa ʻoku lolotonga hoko ke langaʻi ha talanoa ki he tuʻunga fakaeʻulungāngá. Hangē ko ení, kapau ʻoku ʻasi ʻi he ongoongó ha fakapō, ʻe lava ke ke pehē: “ʻOku fakalilifu ʻa e tōʻonga ʻita pehē ʻa e kakai ʻe niʻihi ki he niʻihi kehé. ʻOkú ke pehē ʻoku anga-fēfē hoko ʻa e kakaí ʻo peheé?”

“ʻOku faingataʻa ange ki he fānaú ke fili ʻa e meʻa ʻoku tonu mo halá kapau ʻoku ʻikai ke nau ʻiloʻi ʻa e meʻa ʻoku tonú pe halá.”​—Brandon.

Akoʻi ʻa e fānaú ke fakakaukau ki he niʻihi kehé. Naʻa mo e fānau īkí ʻe lava ke nau ako ke lea “kātaki” mo e “mālō” pea anga-fakaʻapaʻapa ki he niʻihi kehé. “Ko e lahi ange ʻa e sio ʻa e fānaú ko ha konga kinautolu ʻo ha meʻa ʻoku lahi ange ʻiate kinautolu​—ko ha fāmili, ʻapiako pe komiunitī​—ko ʻenau fakahoko loto-lelei ange ia ʻa e ngāue anga-lelei ʻe ʻaonga ki he taha kotoa, kae ʻikai ko kinautolu pē,” ko e lau ia ʻa e tohi Parenting Without Borders.

FOKOTUʻU: Vaheʻi ha ngāue ke fai ʻe hoʻo fānaú ke nau ako ai ʻa e mahuʻinga ʻo e ngāue maʻá e niʻihi kehé.

“Kapau ʻe anga ʻema fānaú ki hono fai ha ngāue he taimí ni, heʻikai ke nau ʻohovale ʻi haʻanau mavahe ha ʻaho. Ko hono fua ʻa e ngaahi fatongiá ʻe ʻosi hoko ia ko e konga ʻenau moʻuí.”​—Tara.

    ʻŪ Tohi Faka-Tonga (1987-2026)
    Hū ki Tu‘a
    Hū ki Loto
    • Faka-Tonga
    • Share
    • Sai‘ia
    • Copyright © 2025 Watch Tower Bible and Tract Society of Pennsylvania
    • Makatu‘unga Hono Ngāue‘akí
    • Polisī Fakafo‘ituitui
    • Privacy Setting
    • JW.ORG
    • Hū ki Loto
    Share