Pulusinga Ako

TAUMUʻA ʻO E KUPU AKÓ

KUPU AKO 1 PEESI 3-7

Ko e hā naʻe ekinaki ai ʻa Sīsū ki hono kau muimuí ke nau hanganaki leʻó? ʻOku lāulea ʻa e kupu ko ení ki he founga ʻe tolu ʻa ia naʻe fakamoʻoniʻi ai ʻa e faʻa leʻo ʻa Kalaisi lolotonga ʻene moʻui ʻi he māmaní, ʻo sivisiviʻi he tuʻunga taki taha ʻa e ngaahi founga ʻaonga ke tau ngāueʻaki ai ʻene faʻifaʻitakiʻangá.

KUPU AKO 2 PEESI 10-14

Ko e hā ʻe lava ai ke tau maʻu ʻaonga mei he fakakaukau ki he founga hono fakahāhā ʻa e loto-toʻá ʻe he kau sevāniti ʻa Sihova ʻi he taimi ʻo e Tohi Tapú? Ko e fehuʻi ko ení ʻe lāulea ki ai ʻi he kupu ko ení ʻa ia kuo faʻufaʻu ia ke tokoniʻi kitautolu ke tau ngāue loto-toʻa.

KUPU AKO 3 PEESI 18-22

Ko kitautolu taki taha ʻoku tau fakahāhā ha faʻahinga laumālie pau, pe faʻahinga tōʻonga pau. ʻOku lāulea ʻa e kupu ko ení ki he founga ʻe lava ke tau tokoni ai ke tauhi maʻu ha laumālie fakatupu langa hake mo lelei ʻi he fakatahaʻangá.

KUPU AKO 4 PEESI 26-30

Ko e kau Kalisitiane ʻoku nau ʻi he fale pe ʻapi ʻoku māvahevahe fakalotú ʻoku nau fehangahangai mo e ngaahi pole fakaʻaho. ʻOku lāulea ʻa e kupu ko ení ki he founga ʻe lava ke fakatupulekina ai ʻe he kau tuí ʻa e melino ʻi he fāmilí pea fakatupulekina ʻa e ngaahi tuʻunga ʻa ia ʻe tokoniʻi nai ai ʻa e ngaahi mēmipa taʻetui ʻi he fāmilí ke nau maʻu ʻa e lotu moʻoní.