PULUSINGA AKO

KUPU AKO

▪ Houngaʻia Kakato ʻi he Ngaahi ʻUlungaanga ʻo Sihová

▪ Houngaʻia ʻi he Nima-Homo mo e Fakaʻatuʻi ʻa Sihová

▪ Houngaʻia ʻi he Mateaki mo e Fakamolemole ʻa Sihová

ʻI he tuʻunga ko e Kau Kalisitiané, ʻoku tau ʻilo ko e ʻulungaanga tefito ʻe fā ʻo Sihová ko e ʻofa, fakamaau totonu, poto, mo e mālohi. Ka ʻe tokoniʻi kitautolu ʻe he kupu ʻe tolu ko ení ke tau fakamahuʻingaʻi ʻa e niʻihi ʻo e ngaahi ʻulungaanga ʻo Sihova ʻa ia ʻoku faʻa siʻi nai ʻetau ako ki aí. Ko e ʻulungaanga taki taha, te tau tali ai ʻa e ngaahi fehuʻí ni: ʻOku ʻuhinga ki he hā ʻa e ʻulungaanga ko ení? ʻOku fakahaaʻi fēfē ia ʻe Sihova? Pea ʻe lava fēfē ke tau faʻifaʻitaki kia Sihova ʻi hono fakahāhā ʻa e ʻulungaanga ko ení?

▪ Tuku ke Fakafuo Koe ʻe he Akonaki ʻa Sihová

ʻOku ʻomai ʻe he Tohi Tapú ha talanoa fakatātā ke fakahaaʻi ʻa e faʻahinga mafai ʻoku maʻu ʻe Sihova ki he tangatá. ʻOkú ne hangē ha tufunga ʻumeá. (ʻAi. 64:8) Ko e kupu ko ení ʻoku fakahaaʻi mai ai ʻa e meʻa ʻe lava ke tau ako fekauʻaki mo Sihova mei he anga ʻo ʻene fakafuo ʻa e kakai mo e ngaahi puleʻanga ʻi he kuohilí. ʻOku toe lāulea ai ki he founga ʻe lava ke tau maʻu ʻaonga ai mei heʻene fakafuo kitautolu he ʻaho ní.