Ngaahi Fakataha Ngāue ki ʻOkatopa
Uike Kamata ʻOkatopa 4
Hiva 212
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “ʻOku ʻAi Kitautolu ʻe he Ngāue Fakamalangá Ke Tau Kehe.” Fakangatangata ʻa e fakamatala talateú ki he miniti ʻe taha, pea hoko atu ʻaki ha fetalanoaʻaki ʻi he fehuʻi mo e tali. ʻI hono ngāueʻaki ʻa e tohi ʻIlo, peesi 173, palakalafi 8, lave nounou ki he meʻa te tau leaʻaki nai ke fakalototoʻaʻi ha tokotaha ako Tohitapu ke kakapa atu ke kau ki he ngāue fakafaifekaú.
20 min: Tokanga ki he Makasiní! Lave ki he lahi ʻo e ngaahi makasini fakakātoa naʻe tufa ʻe he fakatahaʻangá ʻi he māhina kuo ʻosí. ʻOku anga-fēfē hono fakahoa ʻeni ki he lahi naʻe maʻu mei he Sōsaietí? Kapau ʻoku ʻi ai ha faikehekehe lahi, ko e hā ʻoku fiemaʻu ke faí? Fakaafeʻi ʻa e kau fanongó ke nau tali ʻi he meʻa hoko haké: (1) ʻOku totonu ki he tokotaha malanga taki taha ke ne ʻota ha tatau totonu kae feʻungamālie. (2) Vakai ki he Tokonaki kotoa pē ko ha ʻAho Makasini. (3) Fokotuʻutuʻu hoʻo taimi-tēpile ngāue fakafoʻituituí ke fakakau ai ha ngāue makasini ʻi he māhina kotoa pē. (4) Palani ke fai ha fakamoʻoni lahi ange ʻi he founga ʻikai anga-mahení ʻo ngāueʻaki ʻa e ngaahi makasiní ke kamata ha ngaahi fetalanoaʻaki. (5) ʻAve ha ngaahi kupu makehe ki he kakai pisinisi mo maʻu lakanga ʻa ia ʻoku ngalingali te nau mahuʻingaʻia ʻiate kinautolú. (6) Tauhi ha lēkooti totonu ʻo e ngaahi tohi kuo tufá, pea langa hake ha tufaʻanga makasini pau, ʻo toe foki maʻu pē mo e ngaahi tatau fakamuimuí. (7) Ngāueleleiʻaki ha tatau motuʻa pē ʻo e ngaahi makasiní koeʻuhi ke ʻoua ʻe ʻi ai ha fokotuʻunga. Fakaʻaliʻali ʻa e ngaahi makasini lolotongá, pea ʻohake ʻa e ngaahi kupu ʻa ē ʻe ngalingali te ne langaʻi ʻa e mahuʻingaʻiá. ʻAi ha tokotaha lahi pea mo ha tokotaha kei siʻi ke na fakahāhaaʻi taki taha ha tuʻuaki makasini nounou.—Sio ki he fakalahi ʻo ʻEtau Ngāue Fakafaifekau ʻo e Puleʻanga ʻo Sepitema 1995.
Hiva 168 mo e lotu tuku.
Uike Kamata ʻOkatopa 11
Hiva 48
10 min: Ngaahi fanongonongo fakalotofonuá. Fakamatala paʻangá.
15 min: Ngaahi fiemaʻu fakalotofonuá.
20 min: “Founga ke Maʻu Ai ʻa e Fiefia Lahi Ange mei he Ngaahi Fakatahá.” Fehuʻi mo e tali. Lave ki ha ngaahi faʻifaʻitakiʻanga pau ʻo e founga te tau lava ai ke fakahā ʻa e houngaʻia pea hoko ʻo fefakalototoʻaʻaki ʻi he ngaahi fakatahá. Fakaafeʻi ʻa e kau fanongó ke nau lave ki ha ngaahi fakatātā mei heʻenau ngaahi meʻa tonu naʻe hokosiá.
Hiva 98 mo e lotu tuku.
Uike Kamata ʻOkatopa 18
Hiva 204
10 min: Ngaahi fanongonongo fakalotofonua pea mo e ngaahi meʻa naʻe hokosia ʻi he malaʻe malangá.
13 min: “ʻOkú Ke Teu Hiki?” Ko ha malanga fakalototoʻa ke fai ʻe he sekelitalí. ʻI he taimi ʻoku ʻilo ai ʻe he kau malangá ʻoku fiemaʻu ke nau hiki ki ha fakatahaʻanga kehe, ʻoku mahuʻinga ke nau tuʻu lelei ʻi honau ngaahi ʻātakai foʻoú koeʻuhí ke nau fakaʻehiʻehi mei ha fakaholomui fakalaumālie. Fakamamafaʻi ʻa e fiemaʻu ke ʻai ke ʻilo ʻe he kau mātuʻá ʻo kau ki he ngaahi palani peheé pea ke kole ʻenau tokoní ʻi he fetuʻutaki ki he fakatahaʻanga foʻoú.
22 min: “Ko e Hā Te Ke Leaʻaki ki ha Tokotaha Siu?” Fehuʻi mo e tali. Fakamatalaʻi ʻa e ngaahi faikehekehe ʻi he vahaʻa ʻo e ʻOfotokisií, Fakalelei Lotú, mo e Lotu Faka-Siu Motuʻá. (Sio ki he Mankind’s Search for God, peesi 226-227.) Lave ki he ngaahi tafaʻaki ʻe ngalingali te tau lava ai ʻo fokotuʻu ha makatuʻunga ki ha felotoi mo ha tokotaha Siu. Fakahāhaaʻi ha tuʻuaki ʻosi teuteu lelei. Ki ha fakamatala lahi ange fekauʻaki mo e lotu faka-Siú, sio ki he fakalahi ʻo ʻEtau Ngāue Fakafaifekau ʻo e Puleʻanga ʻo Fepueli 1998; kiʻi tohi ko e Founga ke Kamata mo Hoko Atu ʻa e Fetalanoaʻaki, peesi 14-15; mo e Mankind’s Search for God, vahe 9.
Hiva 195 mo e lotu tuku.
Uike Kamata ʻOkatopa 25
Hiva 98
15 min: Ngaahi fanongonongo fakalotofonuá. Tokoniʻi ʻa e tokotaha kotoa pē ke teuteu ki he tuʻuaki ʻo e polosiua Fiemaʻu pe ko e tohi ʻIlo he lolotonga ʻo Nōvemá. Fakamatalaʻi ʻa e founga ke teuteu ai ha tuʻuaki ʻa ia ʻoku fakahuʻunga ki he fehuʻi, “ʻOku tali mai ʻe he ʻOtuá ʻa e ngaahi lotú?” Ngāueʻaki ʻa e ngaahi poini mei he lēsoni 7 ʻi he polosiuá pe vahe 16, palakalafi 12-14, ʻi he tohí. Fakahāhaaʻi ha tuʻuaki faingofua fakataha mo ha konga Tohitapu ʻe taha.
15 min: Ko Hono Maʻu ʻa e Ngaahi Tali ki he Ngaahi Fehuʻi Faka-Tohitapú. Ko ha sevāniti fakafaifekau ʻoku fakaofiofi atu ki ai ha tokotaha malanga ʻa ia kuó ne fetaulaki mo ha tokotaha mahuʻingaʻia naʻá ne fai ha fehuʻi faka-Tohitapu. ʻI he ʻikai te ne ʻoange ʻa e talí, ʻoku fakamatalaʻi ange ʻe he sevāniti fakafaifekaú ʻa e founga ke maʻu aí. ʻUluakí, ʻokú ne fakamanatu ʻa e ngaahi fokotuʻu ʻoku maʻu ʻi he School Guidebook, ako 7, palakalafi 8-9. Pea ʻokú na kumi fakataha ki ha fehuʻi anga-maheni ʻoku malanga hake ʻi he feituʻu fakalotofonuá. ʻOkú na sio ki ha ngaahi fakamatala pau ʻoku lave ki he kaveingá pea maʻu ai ha ngaahi poini fakatuipau ʻokú ne fakamahinoʻi ʻa e ʻuhinga moʻoni ki he tali ʻa e Tohitapú. Fakalototoʻaʻi ʻa e kau fanongó ke nau fai ʻa e faʻahinga ako mahuʻinga ko ʻení ʻi he kumi ki ha ngaahi tali faka-Tohitapú.
15 min: Ngaahi Taumuʻa Te Tau Fokotuʻu Nai. Malanga mo e fetalanoaʻaki mo e kau fanongó. Fakamanatu ʻa e ngaahi taumuʻa ʻaonga ʻoku ʻomai ʻi he kiʻi puha ʻi he peesi 11 ʻo e Taua Leʻo ʻo ʻEpeleli 1, 1997. Kau atu ki ai mo e fakalototoʻa ke kau ki he ngāue tāimuʻa tokoní mo tuʻumaʻú. Fakamatalaʻi ʻa e founga ʻoku malava ke tau maʻu ai ʻa e ʻaonga fakafoʻituitui mei he ngaahi taumuʻa ko ʻení. Fakaafeʻi ʻa e kau fanongó ke nau lave ki ha niʻihi ʻo e ngaahi meʻa fakafiefia naʻa nau hokosia ʻi he taimi ʻoku nau malava ai ke kakapa atu ki ha ngaahi taumuʻa fakateokalati pau.
Hiva 151 mo e lotu tuku.