Taimi-Tēpile ki he Fakataha Ngāué
Uike Kamata Nōvema 13
Hiva 220
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamatalaʻi ʻa e ngaahi fokotuʻutuʻu makehe ki he ngāue fakamalanga ki Nōvema 23.
13 min: Puha Fehuʻi. Malanga ke fai ʻe ha tokotaha mātuʻa.
22 min: “Fakatupulekina ʻa e Mahuʻingaʻia Naʻe Langaʻi ʻe he Ongoongo ʻo e Puleʻangá Fika 36.” Fetalanoaʻaki ʻi he fehuʻi mo e tali ʻi he palakalafi 1-5. Fakamatalaʻi ʻa e ngaahi fokotuʻutuʻu fakalotofonua ki hono ngāueʻi ha feituʻu pē naʻe teʻeki ai ke ngāueʻi. Fakamanatu ʻa e ngaahi tuʻuaki ʻi he palakalafi 7 mo e 8 ki hono fai ha ngaahi toe ʻaʻahí, pea ʻai ke fakahāhaaʻi ʻa e tuʻuaki taki taha. Fakamamafaʻi ʻa e mahuʻinga ʻo e toe foki ki he kotoa ʻo e faʻahinga mahuʻingaʻiá pea feinga ke kamata ha ngaahi ako Tohitapu. Fakaʻosi ʻaki ʻa e fetalanoaʻaki ʻi he palakalafi 9 pea mo e ngaahi konga Tohitapu ʻoku lave ki aí.
Hiva 133 mo e lotu tuku.
Uike Kamata Nōvema 20
Hiva 222
10 min: Ngaahi fanongonongo fakalotofonua. Fakamatala paʻangá.
15 min: Ngaahi Meʻa Naʻe Hokosia ʻi Hono Tufa ʻa e Ongoongo ʻo e Puleʻangá Fika 36. Fakamatalaʻi ʻa e ola ʻo hono ngāueʻi ʻa e feituʻú. Naʻe ʻi ai ha faʻahinga ʻi he fakatahaʻangá ko ʻenau toki ʻuluaki kau ia ʻi he ngāue fakamalangá? Lave ki ha ngaahi tali fakafiefia naʻe fai ʻe he ngaahi ʻapí. Naʻe ʻi ai nai ha kau malanga ʻe niʻihi ne nau malava ke kamata ha ngaahi ako Tohitapu? Kapau ko ia, ʻai kinautolu ke nau fakamatala pe fakahoko ʻa e founga naʻa nau fai ai iá. Fakamanatu ki he tokotaha kotoa pē ke nau fakatupulekina ʻa e mahuʻingaʻia kuo maʻú.
20 min: “Hanganaki Malanga!” Malanga mo e fakaʻekeʻeke. Kuo feohi ʻa e niʻihi mo e kautaha ʻa Sihová pea kuo nau kītaki ʻi he ngāue fakamalangá ʻi he kotoa ʻo ʻenau moʻuí. ʻI ha fakakaukau pau, ʻoku nau maʻu ʻa e fiefia ʻi hono fai iá. (Sio ki he tohi ʻIlo, peesi 179, palakalafi 20, mo e Taua Leʻo ʻo Sanuali 1, 1993, peesi 21-22, palakalafi 14-15.) Fakaafeʻi ha tokotaha malanga kuó ne longomoʻui ʻi ha ngaahi taʻu lahi ke ne lave ki he ngaahi ʻuhinga naʻá ne kītaki ai ʻi he ngāue fakamalangá.
Hiva 195 mo e lotu tuku.
Uike Kamata Nōvema 27
Hiva 135
10 min: Ngaahi fanongonongo fakalotofonua. Fakamanatu ki he kau malangá ke nau ʻomai ʻenau ngaahi līpooti ngāue fakamalanga ki Nōvemá. Ko e tohi ke tuʻuaki ʻi Tīsemá ko e tohi Moʻungaʻi Tangata. Fakamatalaʻi ʻa e founga ʻoku fakahoko ai ʻe he Kau Fakamoʻoni ʻa Sihová ʻa e ngafa lahi ʻi hono faʻu ʻa e Tohitapú ʻi he ngaahi lea lahi.—Sio ki he Watchtower ʻo ʻOkatopa 15, 1997, peesi 11-12.
20 min: Ngāue Lelei ʻAki ʻa e Tohi Reasoning. Fetalanoaʻaki ʻi he fehuʻi mo e tali ʻi he palakalafi 7-8. Fakahaaʻi ʻa e founga naʻe faʻu ai ʻa e tohí ni ke ne tokoniʻi kitautolu ke tau mateuteu ke kau ola lelei ange ʻi he ngāue fakafaifekaú. Fakamatalaʻi ʻa e founga ʻe lava ke ngāueʻaki ai ʻa e tohí ʻi hono fai ha fakamoʻoni ʻi he telefoní. Fakahāhaaʻi ʻa e founga ke maʻu ai ha fakamatala ʻaonga ke taliʻaki ha fehuʻi. Fakaʻaiʻai ʻa e tokotaha kotoa pē ke hoko ʻo maheni mo e tohi ko ʻení, tauhi ia ʻi heʻenau kato malangá, pea ngāueʻaki maʻu pē ia.
15 min: ʻE Lava Fēfē Ke U Mapuleʻi ʻa ʻEku Tōʻongaʻaki ʻa e Sio TV? Ko ha tokotaha mātuʻa ʻokú ne talanoa ki ha tokoua kei talavou ʻa ia ʻokú ne fakamoleki ʻa e ngaahi houa ʻe niʻihi ʻi he ʻaho ʻi he mamata TV. ʻI he kamatá, ʻoku fakamatematē ange ʻa e tokouá ʻoku ʻikai ke ʻi ai ha maumau ai. ʻOkú ne pehē ko ha founga pē ia ʻo e fakafiefiá pea ʻoku ʻikai ke uesia kovi ai ia. ʻOku fakamanatu ʻe he tokotaha mātuʻá ʻa e ngaahi poini tefito ʻi he vahe 36 ʻo e tohi Young People Ask. ʻOkú ne fakamatalaʻi ko e sio TV ʻo fuʻu hulú ʻokú ne toʻo ai ʻa e taimi mahuʻinga ʻa ia naʻe mei fakamoleki ki hono fai ʻa e ako fakafoʻituituí, ʻalu ʻi he ngāue fakafaifekaú, pe ko hono tokoniʻi ʻa e ngaahi fiemaʻu ʻa e fakatahaʻangá. ʻOku fakahā ʻe he tokoua kei talavoú ʻa ʻene houngaʻia ki he akonakí pea ʻokú ne pehē, ke maʻu ha ʻaonga fakalaumālie kiate iá, te ne liliu ʻene tōʻongaʻaki ʻa e sio TV.
Hiva 84 mo e lotu tuku.
Uike Kamata Tīsema 4
Hiva 56
10 min: Ngaahi fanongonongo fakalotofonua. “Ko e Hā Te Ke Leaʻaki ki ha Mīsini Tali?”
15 min: Ngaahi fiemaʻu fakalotofonua.
20 min: “Koe Lea Oku Gali mo Totonu Hono Lea Aki.” Fetalanoaʻaki mo e kau fanongó pea mo e ngaahi fakahāhā. ʻOku ongoʻi taʻefeʻunga ʻa e tokolahi ʻi he feinga ke kamata ha ngaahi fetalanoaʻakí, ʻo nau fakakaukau hala ʻoku fiemaʻu kiate kinautolu ha pōtoʻi makehe ʻe niʻihi ke maʻu ha ngaahi ola. Fakamatalaʻi ʻa e founga ʻoku malava ai ʻe kitautolu kotoa, kau ai ʻa e kau malanga foʻoú mo e kau malanga kei iiki angé, ke kamata ha ngaahi fetalanoaʻaki ʻaki ha feinga ʻuhinga lelei. Fakamanatu ʻa e ngaahi tuʻuaki kuo ʻosi fokotuʻu maí, fakamatalaʻi ʻenau faingofuá, pea ʻai ha kau malanga ʻe toko ua pe toko tolu ke nau fakahāhaaʻi kinautolu. Lave ki he ʻEtau Ngāue Fakafaifekau ʻo e Puleʻanga ʻo Maʻasi 1998, peesi 8, ki ha toe ngaahi tuʻuaki ʻoku lava ke ngāueʻaki. Fakaʻaiʻai ʻa e tokotaha kotoa pē ke ne fakakaukau pau koeʻuhí he te nau maʻu ai ʻa e fiefia lahi ange ʻi heʻenau ngāue fakafaifekaú.
Hiva 220 mo e lotu tuku.