Taimi-Tēpile ki he Fakataha Ngāué

Uike Kamata Sanuali 13

Hiva 7 (51)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻangá. ʻI hono ngāueʻaki ʻa e ngaahi fokotuʻu ʻi he peesi 4, ʻai ha ongo fakahāhā mavahevahe ʻe ua ʻo fekauʻaki mo e founga ke tuʻuaki ai ʻa e Taua Leʻo ʻo Sanuali 15 mo e ʻĀ Hake! ʻo Sanuali-Maʻasi. ʻI he tuʻunga taki taha, ko e ongo makasiní fakatouʻosi ʻoku totonu ke fakaʻaliʻali fakatahaʻi kinaua, neongo ko e taha pē ʻoku tuʻuakí.

15 min: Ikunaʻi ʻIkai ʻAki ha Lea. Malanga mo e fetalanoaʻaki mo e kau fanongó. Ko e ʻulungaanga faka-Kalisitiane leleí ko ha fakamoʻoni mālohi ia. Kuó ne ueʻi ʻa e ngaahi hoa taʻetui ʻe niʻihi ke nau hoko ko e kau lotu kia Sihova. (1 Pita 3:​1, 2) Lave ki he ngaahi meʻa ne hokosia ʻoku maʻu ʻi he Taua Leʻo ʻo Sanuali 1, 1999, peesi 4; ko e Watchtower, ʻo ʻOkatopa 1, 1995, peesi 10-​11; mo e 1995 Yearbook, peesi 46. Fokotuʻutuʻu ki muʻa ki ha toko ua pe toko tolu ke nau fakamatala ki he ngaahi ola lelei kuo nau maʻu mei he muimui ki he akonaki ʻa e Tohitapú ʻi he tafaʻaki ko ení.

20 min: “Moʻui ʻo Fakatatau ki Heʻetau Fakatapuí.”a Hili ʻa e lāulea ki he palakalafi  3, fakaʻekeʻeke nounou ha kiʻi talavou siʻi pe ko ha taʻu hongofulu tupu ʻa ia kuo ʻosi papitaiso. Ko e hā ʻa e ngaahi pole kuó ne fehangahangai mo ia talu mei heʻene hoko ʻo papitaisó? Ko e hā naʻá ne tokoniʻi ia ke ne fekuki ai mo e ngaahi pole ko iá? Kuo anga-fēfē ʻene maʻu ʻaonga mei hono fakatapui ʻene moʻuí kia Sihová?

Hiva 9 (37  mo e lotu tuku.

Uike Kamata Sanuali 20

Hiva 11 (85)

15 min: Ngaahi fanongonongo fakalotofonua. ʻOkú Ke Vakaiʻi Fakaʻaho ʻa e Tohitapú? Malanga mo e fetalanoaʻaki mo e kau fanongó. Fakalototoʻaʻi ʻa e tokotaha kotoa ke ne ngāueleleiʻaki ʻa e Ko Hono Vakaiʻi Fakaʻaho ʻa e Tohitapú​—2003. Lāulea ki he fakamatala ʻi he talateú, peesi 3-4. Fai ha ngaahi fokotuʻu ʻi he founga ʻe lava ke fetalanoaʻaki fakataha ai ʻa e ngaahi fāmilí ʻi he konga tohí. Ke fakahaaʻi ʻa e ngaahi ʻaonga ʻo e lāulea ki he konga tohí ʻi he ʻaho taki taha, lāulea ki he fakatātā ʻe ua pe tolu ʻo e konga tohí mo e fakamatala ʻe hoko mai ʻi he māhina hokó. Fakakau ai ha fakahāhā nounou ʻa ha husepāniti mo ha uaifi ʻokú na lāulea pea fakamatala ki he konga tohi ʻo e ʻaho ní.

15 min: “Akoʻi ki he Niʻihi Kehé ʻa e Lea Maʻá.”b Hili e lāulea ki he palakalafi 6, ʻai ha tokotaha malanga lavameʻa ke ne fakahāhā ʻa e founga ke kamata ai ha ako Tohitapu ʻi he matapaá ʻi hono fai ha toe ʻaʻahi, ʻo ngāueʻaki ʻa e taha ʻo e tuʻuaki ʻi he fakalahi ʻo ʻEtau Ngāue Fakafaifekau ʻo e Puleʻanga ʻi Sanuali 2002, peesi 4. Fakakau ai ha lāulea ki he taha ʻo e palakalafi ʻi he polosiua Fiemaʻu. ʻAi ʻa e tokotaha malangá ke ne fakaʻosiʻaki ʻene ʻohake ha foʻi fehuʻi ʻi he palakalafi hokó pea fokotuʻutuʻu ke tali ia ʻi he ʻaʻahi hokó. Fakalototoʻaʻi ʻa e tokotaha kotoa ke vakaiʻi pe ʻe loto-lelei nai ha taha ʻi he faʻahinga ʻoku nau ʻaʻahi ki aí ke ako ʻa e Tohitapú ʻi he foungá ni.

15 min: “Ko ha Ngāue ʻOku Fiemaʻu ki Ai ʻa e Anga-Fakatōkilalo.”c ʻI he lāulea ki he palakalafi 3, fakaafeʻi ʻa e kau fanongó ke nau fai ha ngaahi fokotuʻu ki he founga ke tali ai kapau ʻoku feinga ha taha ʻi he feituʻú ke ne manukiʻi kitautolu pe ʻoku anga-taʻefakaʻapaʻapa, fakakikihi, pe ʻita. ʻI he lāulea ki he palakalafi 4, fakakau ai ha ngaahi fakamatala ʻi he Insight, Voliume 1, peesi 1160, palakalafi 3.

Hiva 23 (200) mo e lotu tuku.

Uike Kamata Sanuali 27

Hiva 18 (162)

10 min: Ngaahi fanongonongo fakalotofonua. Fakamatala paʻangá. Fakamanatu ki he kau malangá ke ʻomai ʻenau ngaahi līpooti malaʻe ngāué. Fakalototoʻaʻi ʻa e tokotaha kotoa ke sio ʻi he foʻi vitiō No Blood—Medicine Meets the Challenge ʻi he teuteu ki he fetalanoaʻaki ʻi he Fakataha Ngāue ʻo e uike ʻo Fepueli 3. ʻI hono ngāueʻaki ʻa e fokotuʻu ʻi he peesi 4, ʻai ha ongo fakahāhā mavahevahe ʻe ua ʻo e founga ke tuʻuaki ai ʻa e Taua Leʻo ʻo Fepueli 1 mo e Awake! ʻo Fepueli 8. ʻI he tuʻunga taki taha, ʻai ke fakaʻosiʻaki ʻe he tokotaha malangá ʻa hono ʻoange ʻa e tuleki Te Ke Saiʻia ke ʻIlo Lahi Ange ki he Tohitapú? ki he tokotaha-ʻapí—ki he tokotaha ʻoku ʻikai te ne tali ʻa e ngaahi makasiní mo ia ʻokú ne talí. Fakamatalaʻi nounou ʻa e founga ʻe lava ke tau toe foki ai ki he faʻahinga naʻe tuku ai ʻa e makasiní ʻi heʻetau tuku ʻa e tulekí.​—Sio ki he ʻEtau Ngāue Fakafaifekau ʻo e Puleʻanga ʻo Nōvema 2001, p. 4, pal. 10.

15 min: Ngaahi fiemaʻu fakalotofonua.

20 min: “Ngāueleleiʻaki ʻa e Polosiua Fiemaʻu ke Kamata ha Ngaahi Ako Tohitapu.” ʻAi ha tokotaha malanga lavameʻa ke ne fakahāhā ʻa e tuʻuakí. Lolotonga ʻoku ʻiloʻi ʻe he tokolahi tahá ʻoku faingofua hono tufa ʻa e polosiuá, ʻoku ʻiloʻi ʻe he niʻihi ʻoku faingataʻa ke ʻiloʻi ʻa e meʻa ke leaʻaki ke fai ha akó. ʻI hono ngāue pōtoʻi ʻaki ʻa e polosiua Fiemaʻu ʻe lava ke tau hoko ai ʻo ola lelei ange ʻi he aʻu ki he loto ʻo e faʻahinga ʻoku nau “hehema totonu ki he moʻui taʻengatá.” (Ng. 13:​48, NW) ʻOku mahuʻinga ke tauhi ʻa e lāuleá ke faingofua pea fakaongoongoleleiʻi ʻa e tokotaha-ʻapí ʻi he taimi pē ʻe malava aí. ʻI he fokotuʻutuʻu ki ha ʻaʻahi ʻe tahá, ʻi he ʻikai ke ʻeke pe ʻokú ne loto ke hoko atú, fakalototoʻaʻi pē ia ke ne muimui ʻi he founga tatau ki he lēsoni hono hokó. ʻAi ke ne ʻiloʻi ʻokú ke fakatuʻotuʻa ke toe foki ki ai. Kuo tuʻuaki ʻe he kau malanga ʻe niʻihi ke fai ha lēsoni ʻi he telefoní kapau ʻoku hoko ʻo faingataʻa ʻa e taimi-tēpilé. Te ke toe fakalototoʻaʻi nai ʻa e tokotaha akó ke tuku ʻa e polosiuá ʻi ha feituʻu malu mo ofi koeʻuhi ke ala maʻu ʻi hoʻo ʻaʻahi hono hokó.

Hiva 13 (124) mo e lotu tuku.

Uike Kamata Fepueli 3

Hiva 22 (30)

5 min: Ngaahi fanongonongo fakalotofonua.

23 min: Tokoni ki he Talangofua ki he Lao ʻa e ʻOtuá Fekauʻaki mo e Totó. Malanga ke fai ʻe ha mātuʻa taau, ʻo makatuʻunga ʻi he ʻautilaine kuo tokonaki mai ʻe he ʻōfisi vaʻá. ʻOku totonu ke maʻu ʻe he sekelitalí ha tuʻunga lahi feʻunga ʻo e ngaahi meʻa ko ení ke tufa: Kaati Fakahinohino/Fakaʻatā Fakafaitoʻo Tokamuʻa, Kaati Fakaʻilonga, ko e foomu Health-Care Directive (HCD), mo e Tataki Fakahinohino Tokamuʻa. Ko e ngaahi foomu ko iá ʻe ʻai ke ala maʻu ia ʻe he kau malanga ʻosi papitaisó hili ʻa e fakataha he pō ní, ka ʻoku ʻIKAI totonu ke fakafonu ia he poó ni. Ko e fakamoʻoni hingoá, fakamoʻoniʻí, mo e ʻaho ʻo e ngaahi kātí ʻe fai nai ia ʻi he Ako Tohi hono hoko ʻa e Fakatahaʻangá, fakataha mo e tokoni ki he meʻa ʻoku fiemaʻú mei he ʻovasia ʻa e ako tohí. Ko e faʻahinga ʻoku fakamoʻoni hingoa ko e kau fakamoʻoní ʻoku totonu ke nau sio moʻoni ʻi he fakamoʻoni hingoa ʻa e tokotahá ʻi he fōmú. Ko e Tataki Fakahinohino Tokamuʻá ʻoku totonu ke fakakaukau lelei ki ai, ki muʻa ke fakakakato ʻa e foomu HCD. Ko e ngaahi Kaati Fakaʻilonga ki he fānaú ʻoku ala maʻu ia ki he ngaahi mātuʻá ʻi he hili ʻa e fakataha ko ení. Ko e kau malanga teʻeki papitaisó ʻe lava nai ke nau hiki tonu ʻa ʻenau ngaahi fakahinohinó maʻanautolu mo ʻenau fānaú ʻo fakatatau ki honau ngaahi tuʻunga pe ngaahi tuipaú.

17 min: “Kuo Pau Ke Ke Sio ʻi he Foʻi Vitiō No Blood—Medicine Meets the Challenge.” Ke fakahoko ʻe ha mātuʻa taau. Hoko fakahangatonu ki ha fetalanoaʻaki mo e kau fanongó ʻi he foʻi vitiō No Blood, ʻi hono ngāueʻaki ʻa e ngaahi fehuʻi ʻoku ʻomai ʻi he kupu ko ení ʻi he peesi 3. Hili iá, lau ʻa e palakalafi fakaʻosí.

Hiva 3 (32) mo e lotu tuku.

[Fakamatala ʻi lalo]