Taimi-Tēpile ki he Fakataha Ngāué

Uike Kamata Siulai 11

Hiva 11 (85)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Ngāueʻaki ʻa e ngaahi fokotuʻu ʻi he peesi 8 (kapau ʻoku feʻungamālie ki ho feituʻu ngāué) ke fakahāhaaʻi ʻa e founga ke tuʻuaki ai ʻa e Taua Leʻo ʻo Siulai 15 mo e Awake! ʻo Siulai 22. ʻE ngāueʻaki nai ʻa e ngaahi tuʻuaki ʻaonga kehé. ʻI he fakahāhā taki taha, fakahaaʻi ha founga kehe ke fakaleleiʻi ai ʻa e taʻofiʻanga fetalanoaʻaki ʻe malava ke hoko ko e, “ʻOku ou moʻua.”—Sio ki he kiʻi tohi ko e Founga ke Kamata mo Hoko Atu ʻa e Fetalanoaʻaki Fakatohitapú, p. 11-12.

15 min: Ngaahi fiemaʻu fakalotofonua.

20 min: Ko Hono Tuʻuaki ʻa e Ngaahi Polosiuá ʻi Siulai mo ʻAokosi. Malanga mo ha fetalanoaʻaki mo e kau fanongó ʻo makatuʻunga ʻi he konga fakalahí. Fakamatalaʻi nounou ʻa e founga ke ngāueʻaki ai ʻa e konga fakalahí, ʻo fakamamafaʻi ʻa e puha ʻi he peesi 3 fakataha mo e ngaahi poini tefito mei he ʻEtau Ngāue Fakafaifekau ʻo e Puleʻanga ki Sanuali 2005, peesi 8. Lāulea ki he ngaahi fokotuʻu ʻoku feʻungamālie ki he feituʻu fakalotofonuá ki hono fakaʻaliʻali ʻa e ngaahi polosiuá ʻi he ngaahi fuofua ʻaʻahí. Fakahāhaaʻi ha tuʻuaki ʻe ua pe tolu. Fakakau ha kiʻi tokotaha malanga kei siʻi ʻi ha fakahāhā ʻe taha.

Hiva 6 (45) mo e lotu tuku.

Uike Kamata Siulai 18

Hiva 13 (124)

10 min: Ngaahi fanongonongo fakalotofonua. Lāulea nounou ki he Taua Leʻo ʻo ʻAokosi 15, 2000, peesi 32. Fakamamafaʻi ʻa e ngaahi ʻaonga ʻo hono tauhi maʻu ʻo ha polokalama tuʻumaʻu ʻo e lau Tohi Tapu fakaʻahó, naʻa mo e lolotonga ha ngaahi vahaʻa taimi mālōlō pea ʻi he ngaahi taimi kehe ʻoku tau mavahe ai mei heʻetau founga-tuʻumaʻu anga-mahení.

20 min: “Aʻu ki he Kakai Tokolahi Taha ʻe Ala Lavá.”a ʻI he lāulea ki he palakalafi 5, fakamanatu ʻa e ngaahi fokotuʻu ʻi he ʻEtau Ngāue Fakafaifekau ʻo e Puleʻanga ʻo Sune 2005, peesi 6, ʻa ia ʻoku ngāueʻaki ki he feituʻu fakalotofonuá.

15 min: “Fai ʻa e Ngaahi Ako Tohi Tapu Fakalakalaká—Konga 11.”b Fakakau ai ha fakahāhā ʻa ia ko ha tokotaha faiako mo ha tokotaha malanga foʻou ʻokú na teuteu ke fai ha toe ʻaʻahi. ʻOkú na fakamanatu ʻa e fuofua ʻaʻahí peá na filifili ha poini feʻungamālie ke fetalanoaʻaki ki ai ʻi he toe ʻaʻahí. ʻOkú na toe teuteu ha talateu faingofua mo ha fehuʻi ʻa ia ʻe lava ke langaʻi hake ʻi he fakaʻosinga ʻo e ʻaʻahí. ʻOku fakaʻosiʻaki ʻa e fakahāhaá ʻena teuteu ke ʻahiʻahiʻi ʻa e tuʻuaki kuó na teuteú.

Hiva 12 (113) mo e lotu tuku.

Uike Kamata Siulai 25

Hiva 21 (191)

15 min: Ngaahi fanongonongo fakalotofonua. Lau ʻa e ngaahi fakamatala paʻangá mo e fakamālōʻiaʻi ʻo e tokoní. ʻI hono ngāueʻaki ʻa e ngaahi fokotuʻu ʻi he peesi 8 (kapau ʻoku feʻungamālie ki ho feituʻú), fakahāhaaʻi ai ʻa e founga ki hono tuʻuaki ʻa e Taua Leʻo ʻo ʻAokosi 1 mo e ʻĀ Hake! ʻo Siulai-Sepitema. ʻE ngāueʻaki nai ʻa e ngaahi tuʻuaki ʻaonga kehé. ʻI he taha ʻo e ongo tuʻuakí, fakahāhaaʻi ai hano tuʻuaki ʻo e ngaahi makasiní ʻi he founga ʻikai anga-mahení ʻi ha māketi pe ʻi ha feituʻu kakai kehe ʻoku feʻungamālié.

10 min: Uhuʻi ʻa e Moʻoní ki he Loto ʻo Hoʻo Kiʻi Tamá. (Teu. 6:7) Ko ha malanga ke fai ʻe ha mātuʻa ʻo makatuʻunga ʻi he Taua Leʻo ʻo ʻAokosi 15, 2002, peesi 30-1. Fakamamafaʻi ʻa e ngaahi tefitoʻi moʻoni Fakatohitapu ʻoku tokonaki mai ai ha tataki ki hono akoʻi ʻo e kiʻi tamá ki ha mātuʻa Kalisitiane ʻoku ʻi ai hono hoa ʻikai ko e Fakamoʻoni.

20 min: “Ko ha Moʻua ʻOku Tau Moʻuaʻaki ki he Niʻihi Kehé.”c Fakakau ai ʻa e ngaahi fakamatala mei he Taua Leʻo ʻo Siulai 1, 2000, peesi 11, palakalafi 13.

Hiva 10 (82) mo e lotu tuku.

Uike Kamata ʻAokosi 1

Hiva 17 (187)

15 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki Siulaí. Fakaafeʻi ʻa e kau fanongó ke nau fakaava ki he peesi 70 ʻo e tohi Ako Fakateokalati, pea fakafou ʻi ha fetalanoaʻaki mo e kau fanongó, lāulea ki he palakalafi 1-2 mo e puha “Founga ke Lea Ai ʻi he Ngaahi Fakatahá.”

15 min: “Tokoniʻi Hoʻo Fānaú Ke Nau Fakalakalaka ʻi he Ngāue Fakafaifekaú.” Malanga mo ha fetalanoaʻaki mo e kau fanongó. Fakakau ai ha fakahāhā ʻa ia ko ha mātuʻa mo ha kiʻi tama ʻokú na ngāueʻaki ha tuʻuaki faingofua. ʻAi ʻa e mātuʻá ke ne fakamulituku ʻa e tuʻuakí ʻaki haʻane fakamatalaʻi nounou ʻa e fokotuʻutuʻu ki he tokoní.

15 min: Kuó Ke ʻAhiʻahi ha Fakaofiofi Ngaofengofua? Malanga mo e fetalanoaʻaki mo e kau fanongó ʻo makatuʻunga ʻi he ʻEtau Ngāue Fakafaifekau ʻo e Puleʻanga ʻo Sanuali 2005, peesi 6. Fakamanatu ʻa e ngaahi fokotuʻu ʻoku tokonaki mai aí, pea fakahaaʻi ʻa e founga ki ha fakaofiofi ngaofengofua ʻe lava ke ngāueʻaki fakataha mo e tohi ʻoku tuʻuaki ʻi ʻAokosí. Fakahāhaaʻi ha tuʻuaki ʻe taha pe ua.

Hiva 29 (222) mo e lotu tuku.

[Fakamatala ʻi lalo]