Taimi-Tēpile ki he Fakataha Ngāué
Uike Kamata Sanuali 8
10 min: Ngaahi fanongonongo fakalotofonua. Fakalototoʻaʻi ʻa e tokotaha kotoa ke sio ʻi he foʻi vitiō No Blood—Medicine Meets the Challenge ʻi he teuteu ki he fetalanoaʻaki ʻe fai ʻi he Fakataha Ngāue ʻo e uike ʻo Sanuali 22. ʻI hono ngāueʻaki ʻa e fokotuʻu ʻi he peesi 4 pe ko ha tuʻuaki kehe pē ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Sanuali 15 mo e ʻĀ Hake! ʻo Sanuali-Maʻasi. ʻI ha taha ʻo e ongo fakahāhaá, fakahāhaaʻi ʻa e founga ke fai ai ha tali ki he taʻofiʻanga ʻo e fetalanoaʻakí ʻi ha pehē mai, “ʻOku ou femoʻuekina.”—Sio ki he kiʻi tohi ko e Founga ke Kamata mo Hoko Atu ʻa e Fetalanoaʻaki Fakatohitapú, p. 11.
15 min: Maʻu ʻAonga mei he Ko Hono Vakaiʻi Fakaʻaho ʻa e Tohi Tapú. Malanga mo e fetalanoaʻaki mo e kau fanongó ʻo makatuʻunga ʻi he talateu ʻo e Ko Hono Vakaiʻi Fakaʻaho ʻa e Tohi Tapú—2007. Fakamatala ki he fiemaʻu ke vaheʻi ʻe he tokotaha kotoa ha miniti siʻi ʻi he ʻaho taki taha ke lāulea ai ki he konga Tohi Tapú mo e ngaahi fakamatalá. Fokotuʻutuʻu ki muʻa ha toko taha pe toko ua ke na fakamatala ki heʻena founga-tuʻumaʻu ʻo e lāulea ki he konga tohí pea mo e founga ʻoku ʻaonga ai kia kinauá. Fakaʻosiʻaki hano fakamatalaʻi nounou ʻa e konga tohi fakataʻu ki he 2007.
20 min: Aʻu ki he Tokotaha Kotoa mo e Ongoongo Leleí. Malanga mo e fetalanoaʻaki mo e kau fanongó ʻo makatuʻunga ʻi he Organized to Do Jehovah’s Will, peesi 92 ki he kaveinga tokoni ʻi he peesi 102.
Hiva 165 mo e lotu tuku.
Uike Kamata Sanuali 15
10 min: Ngaahi fanongonongo fakalotofonua. Fanongonongo kuo filifili mei heʻetau Ngāue Fakafaifekau ʻo e Puleʻanga.
15 min: ʻOku ʻI Ai ha Meʻa ʻOkú Ne Taʻofi Koe? Ko ha malanga ke fai ʻe ha mātuʻa ʻo makatuʻunga ʻi he ʻīsiu ʻo e Taua Leʻo ʻo ʻEpeleli 1, 2002, peesi 13-15.
20 min: “ʻOku ʻIkai Ke U Mahuʻingaʻia.”a ʻI he lāulea ki he palakalafi 4, ʻeke ki he kau fanongó ʻa e ngaahi ʻīsiu ʻoku manakoa ʻi he feituʻú. ʻAi ha fakahāhā nounou ʻe ua ʻo fakahaaʻi ai ʻa e founga ke fai ʻaki ha tali ki he taʻofiʻanga ʻo e fetalanoaʻakí ʻi ha pehē mai, “ʻOku ʻikai ke u mahuʻingaʻia.”—Sio ki he kiʻi tohi ko e Founga ke Kamata mo Hoko Atu ʻa e Fetalanoaʻaki Fakatohitapú, p. 8.
Hiva 135 mo e lotu tuku.
Uike Kamata Sanuali 22
10 min: Ngaahi fanongonongo fakalotofonua. Lau ʻa e fakamatala paʻangá pea fakamālōʻia ʻa e tokoni kuo faí. ʻI hono ngāueʻaki ʻa e fokotuʻu ʻi he peesi 4 pe ko ha tuʻuaki kehe pē ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Fepueli 1 mo e ʻĀ Hake! ʻo Sanuali-Maʻasi. ʻI ha taha ʻo e ongo tuʻuakí, fakahāhaaʻi ai ʻa hono fai ʻo ha toe ʻaʻahi ki ha tukuʻanga makasini pau.
10 min: Ngaahi fiemaʻu fakalotofonua.
25 min: “Tuʻunga Māʻolunga Taha ʻo e Tokangaʻi Fakafaitoʻó—Ko e Hā Ia?” Ke fai ʻe ha mātuʻa. Kamata leva ʻa e fetalanoaʻaki mo e kau fanongó ʻi he foʻi vitiō No Blood, ʻo ngāueʻaki ʻa e ngaahi fehuʻi ʻoku ʻomai ʻi he kupú. Fakaʻosiʻaki leva ʻa hono lau ʻa e palakalafi fakamuimuí pea fakalototoʻaʻi ʻa e tokotaha kotoa ke vakaiʻi fakalelei ʻa e ngaahi kupu ʻoku lave ki ai ʻi he Taua Leʻo.
Hiva 188 mo e lotu tuku.
Uike Kamata Sanuali 29
10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Sanualí. Lave ki he tohi ke tuʻuaki ʻi Fepuelí, pea ʻai ke fakahāhaaʻi ha tuʻuaki ʻe taha.
20 min: “ʻOkú Ke Mateuteu ki ha Fakatamaki Fakanatula?”b Ke fai ʻe ha mātuʻa. Fakakau ai ha fakamatala mei he ʻEtau Ngāue Fakafaifekau ʻo Nōvema 2005, peesi 3.
15 min: Kapau ʻOkú Ke Palōmesi ke Toe Foki, Fai ki Hoʻo Leá. Malanga mo e fetalanoaʻaki mo e kau fanongó ʻo makatuʻunga ʻi he Taua Leʻo ʻo Sepitema 15, 1999, peesi 11. Fakaafeʻi ʻa e kau fanongó ke nau lave ki ha meʻa naʻe hokosia ʻoku hā mei ai ʻa hono fakapaleʻi kinautolu ʻi heʻenau toe foki ʻo hangē ko ia naʻa nau palōmesi ki aí.
Hiva 137 mo e lotu tuku.
Uike Kamata Fepueli 5
10 min: Ngaahi fanongonongo fakalotofonua.
15 min: Ko Au Tonu Ia! Malanga mo e fetalanoaʻaki mo e kau fanongó. ʻOku toumoua ʻa e toʻutupu ʻe niʻihi ke ʻiloʻi kinautolu ko e Kau Fakamoʻoni ʻa Sihova koeʻuhi ko ʻenau ongoʻi ʻe manukiʻi nai kinautolu ʻe honau toʻumeʻá. Kae kehe, ʻoku ʻi ai ʻa e ngaahi ʻuhinga lelei ke ʻiloʻi ai ko hai koe. Ko e kau faiako ʻoku nau ʻiloʻi hoʻo tuí ʻoku ngalingali te nau tokaʻi ia pea ʻe ʻikai ke nau vilitaki ke ke kau ʻi ha meʻa taʻefeʻunga. ʻE toumoua ʻa e toʻutupu anga-koví ke fakaafeʻi koe ke kau mo kinautolu ʻi ha tōʻonga kovi. ʻE mahinoʻi ange ai ʻe he niʻihi kehé ʻa hoʻo ngaahi fili fekauʻaki mo e ngaahi meʻa hangē ko e faialeá pe kau ʻi he ngaahi sipoti fakaeakó mo e ngaahi ngāue ʻi he tuku ʻa e akó. ʻE toe siʻi ange ai ʻa hoʻo ongoʻi manavasiʻi fekauʻaki mo e faifakamoʻoni ʻi he ʻapiakó pe fetaulaki mo ha kaungāako lolotonga ʻa e malanga ʻi he feituʻu ngāué. (g02-E 3/22 p. 12) Fakaafeʻi ʻa e kau malangá ke nau fakamatala ki he anga ʻo ʻenau maʻu ʻaonga mei hono ʻai ke ʻiloʻi kinautolu ko e Kau Fakamoʻoni ʻa Sihova ʻi he ʻapiakó. ʻE fokotuʻutuʻu nai ki muʻa ha fakamatala ʻe taha pe ua.
20 min: “ʻOfá—Ko e Kī ki he Ngāue Fakafaifekau Ola Lelei.”c Fakakau ai mo e fakamatala mei he Taua Leʻo ʻo Fepueli 1, 2003, peesi 23, palakalafi 16-17.
Hiva 83 mo e lotu tuku.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
c Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.