Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sanuali-Maʻasi
“ʻOkú ke pehē ʻe hoko ʻa e māmaní ko ha feituʻu lelei ange kapau ʻe moʻuiʻaki ʻe he tokotaha kotoa pē ʻa e tefitoʻi moʻoni Fakatohitapu ko ení? [Lau ʻa e Loma 12:18. Pea tuku ke ne tali.] Kuó ke fifili nai ʻi ha taimi ki he ʻuhinga naʻe fakahinohino ai ʻa e ʻOtuá ʻi he taimi ʻe niʻihi ki hono kakai ʻi he kuonga muʻá ke nau fai ha taú? ʻOku fakahaaʻi ʻi he kupu ko ení ʻa e tali mahino ʻa e Tohi Tapú.” Fakaʻaliʻali ʻa e kupu ʻoku kamata ʻi he peesi 21.
ʻĀ Hake! Sanuali-Maʻasi
“ʻOku failahia ʻaupito ʻa e veté he ʻahó ni. ʻOkú ke pehē ʻoku fakakaukau ʻa e tokolahi taha ʻo e ngaahi hoa malí ki he ngaahi tuʻunga kotoa ʻoku kau ki aí ki muʻa ke nau fili ke veté? [Tuku ke ne tali. Pea lau ʻa e Palovepi 14:15.] ʻOku fakahaaʻi ʻi he makasini ko ení ʻa e meʻa ʻe fā ʻoku totonu ke vakai ki ai ʻa e ngaahi hoa malí ki muʻa ke nau fakakaukau ki ha veté.”
Ko e Taua Leʻo Sanuali-Maʻasi
“ʻOkú ke pehē ko e ʻuhinga eni ʻoku tau sio ai ki he lahi fau ʻo e faingataʻa ʻi he māmaní? [Lau ʻa e 1 Sione 5:19. Tuku ke ne tali.] ʻOku fakahaaʻi ʻi he kupu ko ení ʻa e meʻa ʻoku leaʻaki ʻe he Tohi Tapú fekauʻaki mo e ʻiloʻanga ʻo e “Fili” mo e founga ʻe lava ke tau kalofi ai ʻene tākiekina mālohí.” Fakaʻaliʻali ʻa e kupu ʻi he peesi 13.
ʻĀ Hake! Sanuali-Maʻasi
“Te ke loto-tatau ʻoku fehangahangai ʻa e ngaahi fāmili he ʻaho ní mo e palopalema lahi? [Tuku ke ne tali.] ʻOku ʻikai ʻiloʻi ʻe he tokolahi ʻa e faleʻi ʻaonga ʻoku maʻu ʻi he Tohi Tapú. Ko ha fakatātā eni. [Lau ʻa e konga Tohi Tapu ʻoku hā ʻi he makasiní.] Ko e kupu makehe ko eni ʻo e ʻĀ Hake! ʻoku fakahaaʻi ai ʻa e founga ʻe lava ke tokoniʻi ai ʻe he ngaahi tefitoʻi moʻoni Fakatohitapú ʻa e ngaahi fāmilí ke nau fekuki lavameʻa mo e ngaahi tuʻunga kehekehe.”