Jehovah’s Witnesses—Faith in Action, Part 2: Let the Light Shine
Hili hono tukuange ʻa Tokoua Rutherford mo hono kau feohí mei he pilīsoné ʻi he 1919, naʻe toka mei muʻa ai ha fuʻu ngāue lahi ki he Kau Ako Tohi Tapú. Hangē ko ia naʻe fakahaaʻi ʻi he foʻi vitiō Jehovah’s Witnesses—Faith in Action, Part 2: Let the Light Shine, ʻe ʻi ai ʻa e kau fakafepaki tokolahi ki he Kau Ako Tohi Tapú, ko ʻenau mahinoʻi ʻa e Folofolá ʻe pau ke hokohoko atu ʻene tupulakí, pea ʻe fakaleleiʻi ʻenau tuí. (Pal. 4:18; Mal. 3:1-3; Sione 15:20) Hili e sio ʻi he foʻi vitioó, ʻe lava ke ke tali ʻa e ngaahi fehuʻi ko ení?
(1) Ko e hā ʻa e ngaahi founga naʻe ngāueʻaki ʻe he Kau Ako Tohi Tapú ke fakamafolaʻaki ʻa e ongoongo leleí? (2) Ko e hā naʻe hoko ʻi he ngaahi fakataha-lahi makehe ʻi he 1931 mo e 1935? (3) Ko e hā naʻe mahuʻinga fekauʻaki mo e ʻīsiu ʻo e Taua Leʻo ʻo Nōvema 1, 1939? (4) Fakamatalaʻi ʻa e meʻa naʻe hoko ʻi he Madison Square Garden lolotonga ʻa e malanga ʻa Tokoua Rutherford ko e “Founga-Pulé mo e Melinó.” (5) Ko e hā naʻe taau ke fakatokangaʻi fekauʻaki mo e malanga ʻa Tokoua Knorr ko e “Melinó—ʻE Lava ke Tuʻuloa?” (6) ʻI he 1942, ko e hā ʻa e ngaahi palani naʻe fai ʻe he Kau Fakamoʻoni ʻa Sihová ke fakalahi ʻa ʻenau ngāue fakamalangá? (7) Fakamatalaʻi ʻa e niʻihi ʻo e ngaahi fepaki fakalao naʻe hoko ʻi ʻAmelika, Kānata, mo Kalisí. (8) Ko e hā ʻa e kaunga ʻo Kiliati ki he tupu ʻa e ngāue fakamalangá? (9) Ko e hā ʻa e ngāue mahuʻinga naʻe kamata ʻi he 1946, pea ko e hā e ʻuhinga naʻe fai aí? (10) Ko e hā e ngaahi sitepu naʻe fou ai ʻa e Kau Fakamoʻoni ʻa Sihová ke fakapapauʻi naʻe fehoanaki honau ʻulungāngá mo e tuʻunga ʻoku fokotuʻu ʻi he Tohi Tapú? (11) Fakamatala ki he niʻihi ʻo e ngaahi feʻunuʻaki naʻe fai ʻi he 1970 tupú ke fakatonutonu ai ʻa e kautahá ke toe ofi ange ki he sīpinga ʻi he Tohi Tapú. (12) Kuo anga-fēfē hono fakalolotoʻi ʻe he sio ʻi he foʻi vitiō ko ení ʻa hoʻo mahinoʻi ko Sihova ʻoku ʻi ai ʻa e mafai kakató pea ko ʻene kautaha eni? (13) Kuo anga-fēfē hono ʻai ʻe he foʻi vitiō ko ení ke mālohi hoʻo fakapapau ke hokohoko atu faivelenga ʻi he malangá neongo ʻa e ngaahi fakafaingataʻaʻiaʻangá? (14) ʻE lava fēfē ke tau ngāueʻaki ʻa e foʻi vitiō ko ení ke tokoniʻi hotau ngaahi kāingá, kau ako Tohi Tapú, pea mo e niʻihi kehé?
ʻI he ʻaho taki taha ʻoku mahili atú ʻoku tānaki mai ai ha foʻi vahe foʻou ki he hisitōlia ʻo e Kau Fakamoʻoni ʻa Sihová. Ko e hā ʻe leaʻaki ʻe he lēkōtí fekauʻaki mo ʻetau ngaahi feinga ʻi he ngāue fakafaifekaú? Hangē ko ia kuo fai ʻe hotau fanga tokouá ʻi he kuohilí, ʻofa ke tau hokohoko atu faivelenga ʻi hono “tuku ʻa e māmá ke ulo”!—2 Kol. 4:6.