Young People Ask—How Can I Make Real Friends?

Naʻe fakataumuʻa ʻe Sihova ʻa e faʻahinga ʻo e tangatá ke feohi mo fakatupu ha ngaahi kaungāmeʻa. (Pal. 17:17; 18:1, 24) Koeʻuhi ke hoko ʻa e ngaahi vahaʻangatae ko ení ʻo ola leleí, kuo pau ke tau fili fakapotopoto hotau ngaahi kaumeʻá. (Pal. 13:20) Hili ʻa e vakai ki he foʻi vitiō Young People Ask—How Can I Make Real Friends?, ʻe lava ke ke tali ʻa e ngaahi fehuʻi ko ení?

Talateu:

(1) Ko e hā ʻa e kaumeʻa moʻoni?

Ngaahi Fakangatangata ki he Kaumeʻá:

(2) ʻE lava fēfē ke ke ikuʻi hoʻo ongoʻi tuēnoá? (Fil. 2:4) (3) Ko e hā kuo pau ai ke tau loto-lelei ke fakaleleiʻi hotau angaʻitangatá, pea ko hai ʻe lava ke ne tokoniʻi kitautolu ke fai iá? (2 Kol. 13:11) (4) ʻE lava fēfē ke tau ʻai ha ngaahi faingamālie ke maʻu ʻa e ngaahi kaumeʻa lahi ange?—2 Kol. 6:13.

Kaumeʻa mo e ʻOtuá:

(5) ʻE lava fēfē ke tau fakatupulekina ha vahaʻangatae vāofi ange mo Sihova, pea ko e hā ʻoku tuha ai ʻa e feinga ke fai peheé? (Saame 34:8) (6) ʻI he taimi ʻoku tau ʻai ai ʻa Sihova ko hotau kaumeʻa lelei tahá, ko e hā ʻa e ʻaonga ʻo e ngaahi kaungāmeʻa fakaetangatá ʻe lava ke tau maʻú?

Ko e Faʻahinga Kaumeʻa ʻOku Halá:

(7) Ko hai ʻa e ngaahi feohi koví? (1 Kol. 15:33) (8)  ʻE lava fēfē ke taki atu ha taha ʻe he ngaahi kaumeʻa halá ki ha tuʻunga maumau fakalaumālie?

Ko ha Tulama ʻi Onopooni:

(9) Ko e hā ʻoku tau ako mei he fakamatala Fakatohitapu fekauʻaki mo Tainá? (Sēn. 34:1, 2, 7, 19) (10) Naʻe anga-fēfē hono fakatonuhiaʻi ʻe Tara ʻa ʻene feohi mo e toʻutupu taʻetuí? (11) Ko e hā ʻa e ngaahi tuʻunga fakatuʻutāmaki naʻe ʻai ʻe he kaungāako ʻo Tara ke ne tō ki aí? (12) Ko e hā naʻe ʻikai ke fakatokangaʻi ai ʻe he ongo mātuʻa ʻa Tara ʻa e tuʻunga fakatuʻutāmaki naʻá ne ʻi aí, ka ko e hā ʻa e founga naʻá na tokoniʻiʻaki ia ke ne toe fakaakeake fakalaumālié? (13) Naʻe fakamoʻoniʻi fēfē ʻe ha tuofefine tāimuʻa ʻa ʻene hoko ko ha kaumeʻa moʻoni ʻo Tara? (14) Ko e hā naʻe aʻu ʻa Tara ʻo mahinoʻi ʻoku kehé?

Fakaʻosí:

(15) Ko e hā ʻa e ngaahi lēsoni kuó ke ako mei he foʻi vitiō ko ení? (16) ʻE lava fēfē ke ke ngāueʻaki ʻa e foʻi vitiō ko ení ke tokoniʻi ʻa e niʻihi kehé?

ʻOfa ke tau fili ʻa e ngaahi kaumeʻa ʻa ia te ne tokoniʻi kitautolu ke tauhi maʻu ʻa e kaumeʻa lahi taha ʻe ala maʻú—ʻa e kaumeʻa mo e ʻOtuá!—Saame 15:1, 4; ʻAi. 41:8.