Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Tīs. 15
“ʻI he taimi ko ʻeni ʻo e taʻú, ʻoku kau lahi ʻaupito ai ha kakai tokolahi ki he foaki meʻaʻofá mo ha faʻahinga ngāue kehe. ʻOku ʻai ai kitautolu ke tau fakakaukau ki he Lao Koulá. [Lau ʻa e Mātiu 7:12.] ʻOkú ke fakakaukau ʻe lava ke tau moʻuiʻaki ʻa e lao ko iá ʻi he taʻú kotoa? [Tuku ke ne tali.] ʻOku tokonaki mai ʻe he makasini ko ʻení ha fakakaukau lahi fekauʻaki mo e ‘Lao Koulá—ʻOku Kei ʻAonga?’”
Awake! Tīs. 8
“ʻOku talaʻofa ʻe he Tohitapú ʻe ʻi ai ha ʻaho ʻe ʻikai ke toe pehē ai ʻe ha taha, ‘ʻOku ou mahaki.’ [Lau ʻa e Aisea 33:24.] Fakatatau ki he talaʻofa ko iá, ko e ʻīsiu ko ʻeni ʻo e Awake! ʻoku huʻufataha ki he mahaki ʻokú ne uesia ʻa e laui miliona ʻo e kakaí, talavou mo e taʻumotuʻa. ʻOku fakakaveinga ia ko e ‘ʻAmanaki ki he Kau Langa-Huí.’ ʻOku ou fakapapauʻi te ke ʻilo ko e ngaahi kupu ko ʻení ʻoku fakatupu-ʻilo.”
Ko e Taua Leʻo Tīs. 15
“ʻI he taimi ko ʻeni ʻo e taʻú, ʻoku fakakaukau ai ʻa e kakai tokolahi taha fekauʻaki mo Sīsū Kalaisi, pe ʻoku nau tui kiate ia pe ʻikai. ʻOku pehē ʻe he niʻihi ʻoku ʻikai ko ha tokotaha moʻoni ia. Ko e hā hoʻo fakakaukaú? [Hili ha tali, lau ʻa e Mātiu 16:15, 16.] ʻOku ou fakapapauʻi te ke fiefia ke lau ʻa e kupu ko ʻeni fekauʻaki mo e ‘Sīsū Moʻoní’ ke sio ai ki he anga ʻo ʻene kaunga kiate koe he ʻaho ní pea mo ʻene kaunga kiate koe ʻi he kahaʻú.”
Awake! Tīs. 22
“ʻIkai te ke loto-tatau ke ʻai ke malu ʻa e moʻuí te tau fiemaʻu ha maʻuʻanga meʻakai malu mo alafalalaʻanga? [Tuku ke ne tali.] Fakatokangaʻi ʻa e meʻa naʻe talaʻofaʻaki ʻe he ʻOtuá ki hono kakaí ʻi he ngaahi taimi ʻo e Tohitapú. [Lau ʻa e Livitiko 26:4, 5.] ʻOku fakamatalaʻi ʻe he Awake! ʻa e hohaʻa ʻoku hoko he ʻahó ni fekauʻaki mo ʻetau meʻakaí. ʻOkú ne lave ki ha taimi ʻe ʻomai ai ʻe he ʻOtuá kiate kitautolu ha maluʻanga ʻi māmani lahi.”