Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Tīs. 15
“ʻI he taimi ko eni ʻo e taʻú, ʻoku manatuʻi ai ʻe he kakai takatakai ʻi he māmaní ʻa e ʻaloʻi ʻo Sīsuú ʻi ha ngaahi founga kehekehe lahi. Naʻá ke ʻiloʻi ʻoku hanga ʻe he kikite ʻa e Tohi Tapú ʻo fakafehokotaki ʻa e ʻaloʻi ʻo Sīsuú mo e melino tuʻuloá? [Tuku ke ne tali. Pea lau ʻa e Aisea 9:6, 7 (9:5, 6, PM).] ʻOku fakamatalaʻi ʻe he makasini ko ení ʻa e founga ʻe fakahoko ai ʻa e melino ko iá.”
Awake! Tīs. 22
“Kuó ke fakatokangaʻi ʻoku hā mai mei he sōsaietí ʻoku lahi ange ʻenau fakamamafá ki he fōtunga hā mai ʻo e kakaí? [Tuku ke ne tali.] Ko e makasini ko ení ʻokú ne fakamatala ki he niʻihi ʻo e ngaahi fakatuʻutāmaki ʻo e hoko ʻo ʻāvea ʻi he fakaʻofoʻofá. ʻOku toe fakamamafaʻi ai ʻa e mahuʻinga ʻo e faʻahinga fakaʻofoʻofa ʻoku totonu ke tau tokanga lahi ki aí.” Lau ʻa e 1 Pita 3:3, 4.
Ko e Taua Leʻo San. 1
“Ko e lahi taha ʻo e ngaahi lotú ʻoku nau akoʻi ʻoku totonu ke ʻofa ʻa e kakaí ki honau kaungāʻapí. [Lau ʻa e Mātiu 22:39.] Ko e hā leva ʻokú ke pehē ai ko e meimei lahi ʻo e ngaahi tau mo e ngaahi fepaki ʻi he māmaní ʻoku felāveʻi ia mo e lotú? [Tuku ke ne tali.] Ko e ʻīsiu ko eni ʻo e Taua Leʻo ʻoku sivisiviʻi ai ʻa e fehuʻi, ʻE lava ʻe he lotú ʻo fakafāʻūtahaʻi ʻa e faʻahinga ʻo e tangatá?”
ʻĀ Hake! San.-Mas.
“ʻIkai nai ʻoku fakamamahi ko e taʻu kotoa pē ʻoku laui miliona ʻa e tamaiki fefine taʻu hongofulu tupu ʻoku nau feitamá? [Tuku ke ne tali.] ʻOku lāulea ʻa e makasini ko ení ki he ngaahi sitepu ʻe lava ke nau fai ke nau fekuki ai mo e ngaahi pole lahi ʻo e hoko ko e faʻē taʻu hongofulu tupú. ʻOku toe lāulea ai ki he founga ʻe lava ai ʻe he mātuʻá ke nau tokoniʻi ʻenau fānaú ke nau fakaʻehiʻehi mei he palopalema ko ení ʻi he kamatá pē.” Lau ʻa e 2 Timote 3:15.