Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Tīs. 15
“ʻI he taimi ko eni ʻo e taʻú, ʻoku fakakaukau ai ʻa e tokolahi fekauʻaki mo e ʻaloʻi ʻo Sīsuú. Naʻá ke ʻiloʻi ʻoku ʻi ai ʻa e ngaahi lēsoni mahuʻinga ʻe lava ke tau ako mei he fakamatala faka-Tohitapu fekauʻaki mo hono ʻaloʻí? [Tuku ke ne tali. Pea tuhu leva ki he peesi 5, ʻo lau ʻa e 2 Timote 3:16.] Ko e ʻīsiu ko eni ʻo e Taua Leʻo ʻoku lāulea ai ki he niʻihi ʻo e ngaahi lēsoni ko ení.”
ʻĀ Hake! ʻOka.-Tīs.
“ʻOku vakai ʻa e kakai tokolahi ki he pelepaʻangá ko ha vaʻinga fakasōsiale ia ʻoku ala tali. ʻOku ongoʻi ʻe he niʻihi ʻokú ne maumauʻi ʻa e ngaahi fāmilí mo e sōsaietí fakalūkufua. Ko e ʻīsiu ko eni ʻo e ʻĀ Hake! ʻoku sivisiviʻi ai ʻa e pelepaʻangá ʻi he vakai ki he fekumi kuo pulusi fakamuimuí. Te ke toe mahuʻingaʻia nai ʻi hono lau ʻa e ngaahi tefitoʻi moʻoni faka-Tohitapu ʻoku felāveʻi mo e kaveinga ko ení.” Ko ha fakatātā, lau ʻa e 1 Timote 6:10.
Ko e Taua Leʻo San. 1
“ʻI he taimi ʻoku mole ai mei he kakaí ha tokotaha ʻofeina ʻi he maté pe faingataʻaʻia mei ha puke, ʻoku nau faʻa fifili, ‘Ko e hā ʻoku fakaʻatā ai eni ʻe he ʻOtuá?’ Mahalo pē kuó ke ʻeke ʻa e fehuʻi tatau. ʻOku fakahaaʻi ʻe he Tohitapú ʻoku kaungāongoʻi ʻa e ʻOtuá ki he faʻahinga ʻoku faingataʻaʻiá. [Lau ʻa e Aisea 63:9a.] Ko e makasini ko ení ʻoku fakamatalaʻi ai ʻa e ʻuhinga ʻoku lava ai ke tau fakapapauʻi ʻe fakangata ʻe he ʻOtuá ʻa e faingataʻá.”
Awake! San. 8
“ʻOkú ke fakakaukau ʻoku totonu ke kaunoa ʻa e puleʻangá ʻi he tauʻatāina ke leá? [Tuku ke ne tali.] Fēfē kapau ko e leá ʻoku kau ki ai ʻa e talanoa ki he niʻihi kehé fekauʻaki mo e lotú, hangē ko ia ʻoku tau lau ʻi hení? [Lau ʻa e Ngāue 28:30, 31.] Ki muí ni mai, naʻe ʻomai ʻa e fehuʻí ni ki he ʻao ʻo e Fakamaauʻanga Lahi ʻa e U.S. ʻOku fakaafeʻi atu koe ke ke lau ʻo fekauʻaki mo ia ʻi he ʻīsiu ko eni ʻo e Awake!”