Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Tīs. 15
“ʻI he taimi ko ʻeni ʻo e taʻú, ʻoku fakakaukau ʻa e kakai tokolahi ki he meʻa naʻe fanongonongo ʻe he kau ʻāngeló ʻi hono ʻaloʻi ʻo Sīsuú. [Lau ʻa e Luke 2:14.] ʻOkú ke fakakaukau ʻe hoko moʻoni ʻa e melinó ki he māmaní? [Tuku ke ne tali.] ʻOku fakamatalaʻi ʻe he makasini ko ʻení ʻa e founga ʻe vavé ni ai ke ʻomai ʻe Sīsū ʻa e melino moʻoní ki he māmaní.”
Awake! Tīs.
“ʻOku ʻi ai ʻa e ngaahi fakakaukau fakalotu fepakipaki fekauʻaki mo hono ngāueʻaki ʻa e inu ʻolokaholó. Ko e hā hoʻo fakakaukau fekauʻaki mo e ongoʻi ʻa e ʻOtuá ʻo kau ki hono ngāueʻakí? [Tuku ke ne tali.] Neongo ko e ʻuluaki mana ʻa Sīsuú ko hono liliu ʻa e vaí ko e uaine, ʻoku toe ʻomai ʻe he Tohi Tapú ʻa e fakatokanga ko ʻení. [Lau ʻa e Palovepi 20:1.] ʻOku fakamatalaʻi ʻe he kupu ko ʻení ʻa e vakai mafamafatatau ʻa e Tohi Tapú fekauʻaki mo e meʻá ni.” Fakaʻaliʻali ʻa e kupu ʻoku kamata ʻi he peesi 18.
Ko e Taua Leʻo San. 1
“ʻOkú ke tui ko e lavameʻa ʻa ha taha ʻe lava ke fuaʻaki ia ʻa e lahi ʻo e koloa ʻokú ne maʻú? [Tuku ke ne tali. Lau leva ʻa e 1 Timote 6:9, 10.] Neongo ʻoku ʻikai ke fakahalaiaʻi ʻe he Tohi Tapú ia ʻa e paʻangá, ka ʻoku hā ai ko e lavameʻa moʻoní ʻoku ʻikai ke fakatuʻunga ia ʻi he koloá. ʻOku fakamatalaʻi ʻe he makasini ko ʻení ʻa e meʻa ko iá.”
Awake! San.
“ʻOkú ke fakakaukau ʻe faifai ange pea tau sio ʻoku hoko moʻoni ʻeni? [Lau ʻa e Aisea 33:24. Pea tuku leva ke ne tali.] ʻOku fakamatalaʻi ʻi he makasini ko ʻení ʻa e meʻa ʻoku lavaʻi ʻe he saienisi fakafaitoʻó pea mo e founga ʻe fakahoko ai ʻa e talaʻofa ʻa e Tohi Tapú.”