Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Tīs. 15
“Lolotonga ʻa e taimi Kilisimasí, ʻoku feinga ai ʻa e tokolahi ke fakahāhā ʻa e anga-lelei mo e manavaʻofa. ʻOkú ke pehē ʻe lelei ange ʻa e māmaní kapau ʻe fakahāhā ʻe he kakaí ʻa e manavaʻofá ʻi he taʻú kakato? [Tuku ke ne tali. Lau leva ʻa e 1 Pita 3:8.] ʻOku fakamatalaʻi ʻe he makasini ko ʻení ʻa e mahuʻinga ʻo e manavaʻofá pea ʻoku lave ai ki ha ngaahi founga ʻaonga ʻe lava ke tau fakahāhā ai iá.”
Awake! ʻOka.-Tīs.
“ʻOkú ke pehē ko e tupu mei he ʻOtuá ʻa e ngaahi fakatamaki fakanatulá? [Tuku ke ne tali. Lau leva ʻa e Teutalonome 32:4.] ʻOku vakaiʻi ʻe he makasini ko ʻení ʻa e ʻuhinga ʻoku fakangofua ai ʻe he ʻOtuá ke hoko ʻa e ngaahi fakatamaki fakanatulá. ʻOkú ne toe fakamatalaʻi ʻa e founga ke maluʻi ai ho fāmilí.”
Ko e Tau Leʻo San.-Mas.
“ʻOku lotu ʻa e kakai tokolahi ke hoko mai ʻa e Puleʻanga ʻo e ʻOtuá. Ko e fakatātaá, fakatokangaʻi ʻa e lotu ʻiloa ko ʻeni naʻe akoʻi ʻe Sīsū ki hono kau muimuí. [Lau ʻa e Mātiu 6:9, 10.] Kuó ke fifili ko e hā ʻa e Puleʻangá pea ko e taimi fē ʻe hoko mai aí? [Tuku ke ne tali.] ʻOku fakahaaʻi ʻe he makasini ko ʻení ʻa e meʻa ʻoku leaʻaki ʻe he Tohi Tapú fekauʻaki mo e meʻá ni.”
ʻĀ Hake! San.-Mas.
“ʻI he kuohilí, naʻe faʻa hanga ai ʻa e kakai ki he tataki ʻa e Tohi Tapú. Ka ʻi he taimi ní ʻoku veiveiua ʻa e tokolahi. Ko e hā hoʻo fakakaukau? [Tuku ke ne tali. Lau leva ʻa e 2 Timote 3:16.] ʻOku ʻomai ʻe he ʻīsiu makehe ko ʻení ʻo e ʻĀ Hake! ʻa e fakamoʻoni mālohi ko e Tohi Tapú ko e fakamānavaʻi ʻe he ʻOtuá.”