Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Tīs. 15
“ʻOku hohaʻa ʻa e kakai tokolahi ki he anga ʻo e hoko ʻo fakakomēsiale ange ʻa e faʻahitaʻu ʻaho mālōloó. ʻOkú ke fakakaukau kuo mole ʻa ʻene fakamamafa tefitó? [Tuku ke ne tali.] ʻOku lāulea ʻa e makasini ko ení ki he founga kuo liliu ai ʻa e ngaahi tōʻonga ʻo e ʻaho mālōloó ʻi he faai mai ʻa e taimí. ʻOku toe lāulea ai ki he founga ʻe lava ke tau fakalāngilangiʻi moʻoni ai ʻa e ʻOtuá mo Kalaisí.” Lau ʻa e Sione 17:3.
Awake! Tīs. 22
“ʻI he taʻu nai ʻe 85 kuohilí, naʻe tāmateʻi ai ʻi he uike ʻe 24 ʻe ha mahaki pipihi ha kakai tokolahi ange ʻi he tokolahi naʻe tāmateʻi ʻe he ʻeitisí ʻi he taʻu ʻe 24. ʻOku ui ia ʻe he niʻihi ko e mala kovi taha ʻi he hisitōliá. Kuó ke fanongo he fulū faka-Sipeiní? [Tuku ke ne tali.] ʻOku lāulea ʻa e makasini ko ení pe ʻe lava nai ke toe hoko ha meʻa pehē. ʻOku toe ʻomai ai ʻa e ʻuhinga ki ha ʻamanaki.” Lau ʻa e Aisea 33:24.
Ko e Taua Leʻo San. 1
“ʻOku maʻu ʻe he tangatá ʻa e malava ke fai ha meʻa lelei lahi, neongo ia ʻoku nau faʻa fai ha ngaahi meʻa kovi fakalilifu. Kuó ke fifili nai pe ko e hā hono ʻuhingá? [Tuku ke ne tali.] ʻOku ʻomai ʻe he makasini ko ení ʻa e tali ʻa e Tohi Tapú. ʻOku toe fakamatalaʻi ai ʻa e founga ʻe faifai atu pē ʻo ikuʻi ai ʻe he leleí ʻa e koví.” Lau ʻa e Loma 16:20.
ʻĀ Hake! San.–Mas.
“ʻOku fiefia ʻa e kakai tokolahi ʻi hono lau ha nusipepa ʻi he meimei ʻaho kotoa pē. ʻOkú ke fakakaukau ʻe lava ke tau falala ki he fakamatala ʻoku tokonaki mai ʻi he ngaahi nusipepá? [Tuku ke ne tali.] ʻOku ʻomai ʻe he ʻīsiu ko eni ʻo e ʻĀ Hake! ha ngaahi fokotuʻu ki he founga ke tau maʻu ʻaonga ai mei hono lau ʻa e nusipepá. ʻOku toe fakahaaʻi ai ʻa e ʻuhinga ʻoku ʻi ai ai ha fiemaʻu ke tokangá.” Lau ʻa e Palovepi 14:15.