Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Fep. 1
“ʻOku ʻi ai ʻa e hohaʻa lahi fekauʻaki mo hono ʻuliʻi ʻo e ʻātakaí. Ka kuó ke fakakaukau ʻi ha taimi fekauʻaki mo hono ʻuliʻi ʻo e ʻatamaí? [Tuku ke ne tali.] ʻOku fakamamafaʻi ʻe he Tohitapú ʻa e mahuʻinga ʻo e hoko ʻo maʻa fakaesino mo fakalaumālié fakatouʻosi. [Lau ʻa e 2 Kolinito 6:19 (7:1, PM).] ʻOku ou fakapapauʻi te ke ʻilo ʻoku tokoni mo ʻaonga ʻa e fakamatala ko ʻení.”
Awake! Fep. 8
“ʻOku ʻikai ha veiveiua kuó ke ʻilo neongo ʻa e angamaheniʻaki ʻo e faʻa kamata fiefia ha ngaahi nofo mali, ʻoku movete pē ʻa e ngaahi nofo mali lahi. Te u saiʻia ke tuku atu kiate koe ʻa e ʻīsiu ko ʻeni ʻo e Awake!, ʻa ia ʻoku fakamatalaʻi ai ʻa e vakai ʻa e Tohitapú ki he founga ke ʻai ai ha nofo mali ke tuʻuloa mo fiefiá.”
Ko e Taua Leʻo Fep. 15
“Kuó ke fifili ʻi ha taimi fekauʻaki mo e founga lelei taha ke tatakiʻaki hoʻo moʻuí pea fai ha ngaahi fili tefito? [Tuku ke ne tali.] Ko e niʻihi ʻo e tataki lelei tahá, hangē ko e Lao Koulá, ʻoku maʻu ia ʻi he Tohitapú. [Lau ʻa e Mātiu 7:12.) Ko e hā ʻa e ngaahi tefitoʻi moʻoni fakaʻotua kehe ʻe lava ke ʻaonga fakahangatonu kia kitautolu? Te ke maʻu ʻa e talí ʻi he makasini ko ʻení.”
Awake! Fep. 22
“Kuó ke fakatokangaʻi nai ko e ngaahi ngāueʻanga lahi ʻoku hoko ia ʻo toe fakatuʻutāmaki ange. ʻOku ʻi he makasini ko ʻení ha ngaahi fokotuʻu lelei ki he founga ʻe lava ke tau ʻai ai ia ke malu angé. ʻOku toe fakahaaʻi ai ko hotau tuʻunga leleí ʻoku fakatuʻunga ia pe ʻoku tau maʻu ha vakai mafamafatatau ʻo fekauʻaki mo e ngāue fakamāmaní. Kātaki ʻo lau ia.”