Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻOka. 15
“ʻOku tui ʻa e kakai ʻe niʻihi ko e lahi ange ʻa e paʻanga ʻoku nau maʻú ko e fiemālie ange ia ʻe hoko ki heʻenau moʻuí. ʻOkú ke fakakaukau ʻoku moʻoni eni? [Tuku ke ne tali.] Fakatokangaʻi angé ʻa e meʻa naʻe tohi ʻe ha tangata ʻa ia naʻe koloaʻia lahi fakaʻulia. [Lau ʻa e Koheleti 5:10.] ʻOku lāulea ʻa e makasini ko ení ki he ngaahi meʻa mahuʻinga ʻoku mahulu hake ia ʻi he koloa fakamatelié.”
Awake! ʻOka. 22
“ʻOku ʻiloʻi ʻe he kakai tokolahi ʻa e mahuʻinga ʻo hono akoʻi ʻa e fānaú mei ha taʻu siʻí. ʻOkú ke sio ki ha fiemaʻu ʻo e meʻá ni ki he ʻahó ni? [Tuku ke ne tali. Pea lau ʻa e Palovepi 22:6.] Ko e ʻīsiu ko eni ʻo e Awake! ʻoku lāulea ai ki he ngaahi meʻa pau ʻe lava ke fai ʻe he ngaahi mātuʻá ke tokoniʻi ʻenau fānaú ke nau tupu hake ʻo hoko ko ha kakai lalahi faitotonu mo lavameʻa.”
Ko e Taua Leʻo Nōv. 1
“ʻOku ʻikai falala ʻa e kakai tokolahi ki he malava ʻa e kau taki fakaetangatá ke solova ʻa e ngaahi palopalema he ʻaho ní. ʻOkú ke fakakaukau ʻoku ʻi ai ha taha ʻe lava ke ne fakahoko ʻa e meʻa naʻe tomuʻa tala ʻi he ngaahi veesi ko ení? [Lau ʻa e Sāme 72:7, 12, 16. Pea tuku ke ne tali.] ʻOku fakamatala ʻa e makasini ko ení pe ko hai ʻa e taki ko eni naʻe tomuʻa talá pea mo e meʻa te ne fakahokó.”
Awake! Nōv. 8
“ʻOku fiemaʻu ʻe he fānaú ʻa e tataki ke nau matuʻuaki ʻa e ngaahi tenge ʻoku nau fehangahangai mo ia he ʻaho ní, ʻikai ʻokú ke loto-tatau mo ia? [Tuku ke ne tali. Pea lau ʻa e Efeso 6:4.] ʻOku sivisiviʻi ʻe he makasini ko ení ʻa e ʻuhinga moʻoni ʻo e akonakí. ʻOku toe lāulea ai ki he founga ʻe lava ke tokonaki ai ʻe he ngaahi mātuʻá ʻa e tataki mo e fakatonutonu ʻo ʻikai ʻai ke loto-foʻi ʻenau fānaú.”