Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻOka. 15
“ʻOku vakai ʻa e kakai tokolahi ki he akó ko ha kī ia ki he lavameʻa ʻi he moʻuí. ʻOkú ke fakakaukau ʻoku ʻi ai ha faʻahinga ako ʻa ia ʻe lava ke ne tokoniʻi ha taha ke ne hoko ai ko ha tokotaha lelei ange pea ke fekuki ai mo e ngaahi palopalema ʻi he moʻuí? [Tuku ke ne tali. Pea lau leva ʻa e Loma 12:2.] ʻOku lāulea ʻa e makasini ko ení ki he founga ʻe lava ke tau maʻu ʻaonga ai mei he ako lelei taha ʻoku ala maʻú.”
Awake! ʻOka. 22
“ʻOku fiefia ʻa e kakai tokolahi ʻi hono lau ha nusipepa ʻi he meimei ʻaho kotoa pē. ʻOkú ke fakakaukau ʻe lava ke tau falala ki he fakamatala ʻoku ʻomai ʻe he ngaahi nusipepá? [Tuku ke ne tali.] Ko e ʻīsiu ko eni ʻo e Awake! ʻoku ʻomai ai ʻa e ngaahi fokotuʻu ki he founga ke maʻu ʻaonga ai mei hono lau ʻa e nusipepá. ʻOku toe fakahaaʻi ai ʻa e ʻuhinga ʻoku ʻi ai ai ha fiemaʻu ke tokangá.” Lau ʻa e Palovepi 14:15.
Ko e Taua Leʻo Nōv. 1
“ʻOku fakahohaʻasi ʻa e kakai tokolahi ʻe he taʻefaitotonu ʻi he māmaní. ʻOkú ke fakakaukau ʻe lava ʻe ha taha ke ne liliuʻi moʻoni ʻa e māmaní? [Tuku ke ne tali.] ʻOku lāulea ʻa e makasini ko ení ki he ngaahi ʻā vahevahe ke liliuʻí. ʻOku toe fakahaaʻi ai ʻa e tokotaha te ne ikuʻi iá pea mo e founga te ne fakahoko mai ai ha māmani ʻo e melino mo e malu moʻoní.” Lau ʻa e Sāme 72:12-14.
Awake! Nōv. 8
“ʻI he māmaní kotoa ʻoku ʻi ai ha fuʻu faikehekehe lahi ʻi he vahaʻa ʻo e koloaʻiá mo e masivá. ʻOkú ke fakakaukau ʻe ʻi ai ha meʻa ʻe lava ke fai ke fakafehokotakiʻaki ʻa e faikehekehe ko iá? [Tuku ke ne tali. Pea lau leva ʻa e Mātiu 6:9, 10.] ʻOku fakahaaʻi mai ʻe he makasini ko ení ʻa e ʻuhinga ʻe lava ke tau tuipau ai ʻe fakangata ʻe he Puleʻanga ʻo e ʻOtuá ʻa e tuʻunga ʻikai tatau ʻokú ne fakamafasiaʻi ʻa e faʻahinga ʻo e tangatá ʻi he ʻaho ní.”