Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻOka. 15
“Koeʻuhi ʻoku ʻi hēvani ʻa e ʻOtuá, ʻoku fakaʻosiʻaki ai ʻe ha niʻihi ʻoku faingataʻa ke ʻiloʻi ia. Kuo faifai ange peá ke ongoʻi pehē? [Tuku ke ne tali. Lau leva ʻa e Sione 17:3.] ʻOku fakamatalaʻi ʻe he makasini ko ʻení ʻa e founga ʻe lava ke tau ʻiloʻi ai ʻa e ʻOtuá.”
Awake! ʻOka.
“Ko e tokolahi ʻo kitautolu kuo mole atu ha taha naʻa tau ʻofa ai ʻi he maté. ʻOkú ke fakakaukau ʻoku ʻi ai ha ngaahi meʻa ʻe lava ke tau fai ke tokoniʻi ai kinautolu naʻa mo e hili ʻenau maté? [Tuku ke ne tali.] ʻOku ʻomai ʻe he kupu ko ʻení ʻa e tali Fakatohitapu ki he fehuʻi ko iá. ʻOku toe lāulea ai ki he talaʻofa fakafiemālie ko ʻení.” Lau ʻa e Sione 5:28, 29. Fakaʻaliʻali leva ʻa e kupu ko ia ʻoku hā ʻi he peesi 10.
Ko e Taua Leʻo Nōv. 1
“ʻOku ʻi ai ʻa e ngaahi fakakaukau fepakipaki fekauʻaki mo hano tauhi hake ha kiʻi tama he ʻahó ni. ʻOkú ke fakakaukau ʻe malava ʻe he ngaahi mātuʻá ke maʻu ha faleʻi alafalalaʻanga? [Tuku ke ne tali. Lau leva ʻa e Sāme 32:8.] ʻOku ʻomai ʻi he makasini ko ʻení ʻa e fakahinohino ʻaonga mei he Tohi Tapú ki hono tauhi hake ha kiʻi tama.”
Awake! Nōv.
“Kapau ʻoku ʻi ai ha ʻOtua ʻofa, fakamaau totonu mo mālohi, kuó ke fifili pe ko e hā hono ʻuhinga ʻoku lahi pehē fau ai ʻa e faingataʻá? [Tuku ke ne tali.] Fakatokangaʻi ʻa e meʻa ʻoku leaʻaki ʻe he Tohi Tapú ʻo fekauʻaki mo e tupuʻanga ʻo e faingataʻá. [Lau ʻa e 1 Sione 5:19.] ʻOku fakamatalaʻi ʻe he makasini ko ʻení mei he Tohi Tapú ʻa e meʻa ʻe fai ʻe he ʻOtuá ke toʻo atu ʻaki ʻa e faingataʻá.”