Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻOka. 15
“ʻOku tui ʻa e kakai tokolahi ʻoku mātuʻaki taʻepau ʻa e kahaʻú ʻo lelei ange ke tau moʻui pē maʻá e ʻahó ni. Ko e hā hoʻo fakakaukaú? [Tuku ke ne tali.] Naʻe fai ʻe Sīsū ʻa e poupou mahuʻinga ko ení. [Lau ʻa e Mātiu 6:34.] ʻOku fakamatala ʻa e makasini ko ení ki he founga ʻe lava ke tau palani ai ki he kahaʻú kae fakaʻehiʻehi ʻi he taimi tatau mei he loto-moʻua tōtuʻa fekauʻaki mo iá.”
Awake! ʻOka.
“Ko kitautolu kotoa kuo mole ʻa e faʻahinga ʻoku tau ʻofa ai ʻi he maté. ʻOkú ke pehē ʻoku nau tokangaʻi hifo kitautolu mei hēvani? [Tuku ke ne tali.] Fakatokangaʻi ange ʻa e meʻa naʻe leaʻaki ʻe Sīsū ʻi he taimi naʻe mate ai ʻa Lāsalosí. [Lau ʻa e Sione 11:11.] ʻOku fakamatala ʻa e kupú ni pe ʻoku moʻui ʻa e kau maté ʻi ha feituʻu pe ʻoku nau mohe ʻo tatali ki ha toetuʻu.” Fakaʻaliʻali ʻa e kupu ʻoku kamata ʻi he peesi 28.
Ko e Taua Leʻo Nōv. 1
“ʻOkú ke pehē ʻe hoko ʻa e māmaní ko ha feituʻu lelei ange kapau naʻe fakahāhā ʻe he kakaí ʻa e anga-fakatōkilalo lahi ange? [Tuku ke ne tali.] Fakatokangaʻi ange ʻa e meʻa naʻe leaʻaki ʻe Sīsū fekauʻaki mo e ʻulungāanga ko ení. [Lau ʻa e Mātiu 23:12.] ʻOku lāulea ʻa e kupu ko ení ki he mahuʻinga ʻo hono fakatupulekina ʻa e anga-fakatōkilaló, naʻa mo e ʻi he māmani feʻauʻauhi ko ení.”
Awake! Nōv.
“ʻI he kuohilí, naʻe faʻa hanga ai ʻa e kakaí ki he Tohi Tapú ki ha tataki. Ka ʻi he taimi ní ʻoku pehē ʻe he tokolahi ʻoku ʻikai ha meʻa te nau veiveiua ai. ʻOku fēfē hoʻo ongoʻí? [Tuku ke ne tali. Pea lau ʻa e 2 Timote 3:16.] Ko e ʻīsiu makehe ko eni ʻo e Awake! ʻoku ʻomai ai ʻa e fakamoʻoni mālohi ko e Tohi Tapú ko e fakamānavaʻi ia ʻe he ʻOtuá.”