Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻOka. 15
“Te ke fakamatalaʻi fēfē ki he fānaú mo e niʻihi kehé ʻa e ʻuhinga ʻoku hoko ai ʻa e ngaahi meʻa kovi lahi ʻi he ʻaho ní? [Tuku ke ne tali.] ʻOku tali ʻe he Tohitapú ʻa e foʻi fehuʻi, ‘Ko Hai ʻOku Tuʻu mei Mui ʻi he Kovi Kotoa Pē?’ [Lau ʻa e 1 Sione 5:19.] Ko e ʻīsiu ko eni ʻo e Taua Leʻo te ne tokoniʻi koe ke mahinoʻi ʻa e tokotaha fulikivanu ko iá mo e founga ʻe lava ke tau fakafepakiʻi ai iá.”
Awake! ʻOka. 22
“ʻOkú ke tui ʻe lava ke ʻomai ʻe he ngaahi lotu ʻa e kau taki lotú, pe ko ha taha pē ha melino ki he māmaní? [Tuku ke ne tali.] ʻOku talaʻofa mai ʻe he Tohitapú ha taimi ʻo e melino ʻi māmani lahi. [Lau ʻa e Aisea 9:6, 7 (5, 6, PM).] Naʻá ke fakatokangaʻi ʻe fakahoko mai ʻe ha tokotaha pule makehe ʻa e melino ki he māmaní? Ko e ʻīsiu ko eni ʻo e Awake! ʻokú ne fakahaaʻi ʻa e tokotaha pule ko iá mo e founga te ne ʻomai ai ʻa e melino moʻoní.”
Ko e Taua Leʻo Nōv. 1
“Ko e tokolahi ʻo kitautolú ʻoku tau feinga ke maʻu ʻa e vahaʻangatae melino mo e niʻihi kehé. Kae ngalingali te ke loto-tatau ʻoku faʻa faingofua ange ʻa hono leaʻakí ʻi hono faí. [Tuku ke ne tali.] ʻOku fakamatalaʻi ʻe he Tohitapú ʻa e ʻuhinga ʻoku pehē aí. [Lau ʻa e Semisi 3:2.] ʻOku fakahaaʻi ʻe he kupu ko ení ʻa e anga ʻo e hoko nai ʻa ha kole fakamolemole ko e kī ia ki hono toe fakafoki mai mo tauhi maʻu ʻa e melinó.”
Awake! Nōv. 8
“ʻOku fakahaaʻi ʻe he kikite ʻa e Tohitapú ʻe hoko mai ha taimi ʻa ia ʻe ʻikai ai ha taha te ne pehē, ‘ʻOku ou mahaki.’ [Lau ʻa e Aisea 33:24.] ʻIkai ʻe fakaofo ia? [Tuku ke ne tali.] Kae kehe, ʻi he ʻahó ni ʻoku taaʻi ai ʻa e faʻahinga ʻo e tangatá ʻe he ngaahi mahaki lahi, ʻo kau ai ʻa e mahaki fakaʻauha ko e ʻeitisí. Ko e ʻīsiu ko eni ʻo e Awake! ʻokú ne tali ʻa e fehuʻi, ʻE toe ngata koā ʻa e ʻeitisí?”