Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻOka. 1
“Te ke loto-tatau nai ko e tui ki he ʻOtuá kuo hoko ia ko ha kaveinga taʻemanakoa ki he kakai tokolahi. Ka ko e hā ʻa e ʻuhinga ʻoku pehē ai ʻa e meʻá ni? [Hili ha tali, lau ʻa e Hepelu 11:1.] ʻOku fakamatalaʻi ʻe he makasini ko ʻení ʻa e ʻuhinga ʻo e tui moʻoní pea mo e faikehekehe ʻoku hokó ʻo tatau ai pē pe ʻoku tau maʻu ʻa e tuí pe ʻikai.”
ʻĀ Hake! ʻOka.-Tīs.
“Hangē ko ia ʻokú ke ʻiló, ʻoku lahi ʻaupito ʻa e lāulea he ongoongó ʻi he ʻahó ni ki he faitoʻo kona tapú. ʻOku mātuʻaki fakalotosiʻi ʻa e ola ko ia ʻo hono ngāuekoviʻaki ʻo e faitoʻo kona tapú ʻe he fānau īkí. Ko e hā ʻoku ngāuekoviʻaki ai ia ʻe he kakaí? [Tuku ke ne tali.] ʻOku ou tui te ke ʻilo ko e makasini ko ʻení ʻoku fakamānako ʻaupito ke lautohi ai tautautefito kapau ko ha mātuʻa tauhi fānau koe.”
Ko e Taua Leʻo ʻOka. 15
“Ko e hā ʻe fai ke fakatupu ai ha māmani lelei ange mo fiefia ange? [Tuku ke ne tali.] Kuo ʻahiʻahiʻi ʻe he tangatá ʻa e founga-pule kehekehe ke fakaleleiʻiʻaki ʻa e ngaahi meʻá. Kae fakatokangaʻi ʻa e anga ʻo e vakai ʻa e ʻOtuá ki he meʻá ni. [Lau ʻa e Selemaia 10:23.] ʻOku fakaeʻa ʻe he kupu ko ʻení ʻa e ‘Kī ki ha Māmani Fiefiá,’ ʻo fakahaaʻi ai ʻa e founga ʻe hoko vave mai ai ʻení.”
Awake! ʻOka. 22
“Te ke loto-tatau ko e kakaí he ʻahó ni ʻoku hā ʻoku nau moʻui ʻi ha malumalu ʻo e faingataʻa lahi ange ia ʻi ha toe taimi ki muʻa? [Tuku ke ne tali.] Naʻe tala ki muʻa ʻeni ʻe he Tohitapú. [Lau ʻa e 2 Timote 3:1.] ʻOku ʻiloʻi ʻe he kakai tokolahi ko e moʻuí ʻoku fuʻu faingataʻa ʻo nau foʻi ai. ʻOku ʻomai ʻe he makasini ko ʻení ha fakalototoʻa moʻoni. ʻOku fakahaaʻi ai ʻa e founga ke faitau ai mo e ʻamanaki-tōnoá pea ʻai ai ʻa e moʻuí ke mahuʻinga.”