Maʻu ʻAonga mei he Foʻi Vitiō ko e No Blood—Medicine Meets the Challenge
Ko e hā hono lahi ʻo hoʻo ʻilo fekauʻaki mo e ngaahi meʻa ke fili ki ai ʻoku ala maʻu ʻi he malaʻe ʻo e faitoʻó taʻekau ai ha totó? ʻOkú ke mahinoʻi ʻa e niʻihi ʻo e ngaahi faitoʻo fetongi ʻo e huhu totó ke fili ki aí mo e founga ʻo ʻenau ngāué? Sio ʻi he foʻi vitiō ko ení pea siviʻi hoʻo ʻiló ʻaki ʻa e ngaahi fehuʻi ko ení—Fakatokangaʻi: Koeʻuhi ʻoku kau ʻi he foʻi vitioó ha konga nounou fakaetafa, ʻoku totonu ke ngāueʻaki ʻe he ngaahi mātuʻá ʻa e fakapotopotó ʻi he fili pe ʻoku totonu ke mamata ai ʻenau fānau īkí.
(1) Ko e hā ʻa e ʻuhinga tefito ʻoku fakafisi ai ʻa e Kau Fakamoʻoni ʻa Sihová mei he huhu totó, pea ko fē ʻi he Tohi Tapú ʻoku maʻu ai ʻa e tefitoʻi moʻoni ko iá? (2) ʻI heʻene hoko mai ki he tokanga fakafaitoʻó, ko e hā ʻoku tau fakaʻamu ki aí? (3) Ko e hā ʻa e totonu tefito ʻoku maʻu ʻe he kau mahakí? (4) Ko e hā ʻoku ʻuhinga lelei ai mo totonu ke siʻaki ʻa e huhu totó? (5) ʻI heʻene hoko ha fānoa lahi ʻa e totó, ko e hā ʻa e ongo meʻa fakavavevave tefito ʻe ua ʻoku maʻu ʻe he kau toketaá? (6) Ko e hā ʻa e ngaahi fakatuʻutāmaki ki he moʻuí ʻoku fekauʻaki mo e huhu totó? (7) Ko e hā ʻa e niʻihi ʻo e ngaahi meʻangāue ʻoku ala maʻu ʻe he kau toketā tafá ke fakasiʻisiʻi ai ʻa e mole ʻa e totó he lolotonga ʻa e tafá? (8) Ko e hā ʻoku totonu ke ke fiemaʻu ke ʻilo fekauʻaki mo ha faitoʻo fetongi ʻo e huhu totó? (9) ʻE lava ke fakahoko ha ngaahi tafa lalahi mo faingataʻa ʻo taʻekau ai ʻa hono ngāueʻaki ʻo e huhu totó? (10) Ko e hā ʻoku loto-lelei ki ai ha kau toketā tokolahi ange ke fai maʻá e Kau Fakamoʻoni ʻa Sihová, pea ko e hā nai ʻe faifai pē ʻo hoko ko e tuʻunga ia ʻo hono tokangaʻi ʻo e kau mahaki kotoa pē?
Ko hono tali ha faitoʻo pē ʻoku ʻomai ʻi he foʻi vitioó ko ha fili tāutaha fakakonisēnisi ia.—Sio ki he Taua Leʻo ʻo Sune 15, 2004, peesi 22-4, 29-31, mo e Taua Leʻo ʻo ʻOkatopa 15, 2000, peesi 30-1.