Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sune 15
“Kuó ke fakatokangaʻi ko e tokolahi he ʻahó ni ʻoku nau fili ʻa e ngaahi tuʻunga pē ʻa kinautolu fekauʻaki mo e tonú mo e halá? [Tuku ke ne tali.] Ko ha fakatātā ʻeni ʻo e fakahinohino tuʻuloa ʻoku maʻu ʻi he Tohi Tapú. [Lau ha konga Tohi Tapu mei he puha ʻi he peesi 6-7.] ʻOku fakamatalaʻi ʻe he makasini ko ʻení ʻa e ʻaonga te tau maʻu ʻi hono tali ʻa e ngaahi tuʻunga fakaeʻulungāanga ʻa e Tohi Tapú.”
Awake! Sune
“ʻOku tau fiemaʻu kotoa ʻa e paʻangá ke tau moʻui. ʻOkú ke fakakaukau ʻoku malava ke tau tokanga tōtuʻa fekauʻaki mo e maʻu ʻo e paʻangá? [Tuku ke ne tali.] Fakatokangaʻi ʻa e meʻa ʻoku leaʻaki heni fekauʻaki mo e ngaahi nunuʻa ʻo e tuli ki he koloá. [Lau ʻa e 1 Timote 6:10.] ʻOku ʻomai ʻe he makasini ko ʻení ha ngaahi fokotuʻu ʻaonga ki he founga ke fakafaingofuaʻi ai ʻa e moʻui ʻa ha taha kae moʻui pē ʻi ha kiʻi paʻanga siʻisiʻi.”
Ko e Taua Leʻo Siu. 1
“Kuó ke fifili ki he ʻuhinga kuo ngaohikoviʻi ai ʻa e kakaí koeʻuhi ko haʻanau haʻu mei ha matakali pe fonua kehe pe koeʻuhí ʻoku nau lea ʻi ha lea kehe? [Tuku ke ne tali.] Fakatokangaʻi ʻa e ʻuhinga ʻoku ʻomai hení. [Lau ʻa e 1 Sione 4:20.] ʻOku tali ʻe he makasini ko ʻení ʻa e fehuʻi, ʻE lava ke feongoongoi ʻa e ngaahi faʻahingá?”
Awake! Siu.
“ʻI he ʻikai hangē ko e fanga manú ʻa ia ʻoku nau ngāue ʻi he poto fakanatulá, ʻoku maʻu ʻe he faʻahinga ʻo e tangatá ʻa e malava ke fili ki he ngaahi tuʻunga te nau moʻui aí. Ko fē ʻokú ke fakakaukau ʻe lava ke tau hanga ki ai ki ha tataki falalaʻangá? [Tuku ke ne tali. Lau leva ʻa e Sāme 119:105.] ʻOku fakamatalaʻi ʻe he makasini ko ʻení ʻa e tuʻunga māʻolunga ʻo e tataki ʻoku maʻu ʻi he Tohi Tapú.”