Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻOka.-Tīs.
“ʻOku fakalotomāfana ʻa e taimi ʻoku tau maʻu ai ha kaati pe ko ha telefoni ʻo fakamālō mai ai ki ha meʻa naʻa tau fai. ʻOkú ke tui kuo siʻi he ʻahó ni ʻa hono fakahaaʻi ʻo e houngaʻiá? ʻI hono fakamatalaʻi ʻa hotau taimí ʻoku fakahokohoko ai ʻi he 2 Timote 3:1, 2 ʻa e “taʻehounga,” ko e konga ia ʻo e taimi faingataʻá. [Lau] Ko e kupu ʻoku kamata ʻi he peesi 21 ʻoku tokoniʻi ai kitautolu ke tau fakahāhā ʻa e houngaʻia lahi ange.”
ʻĀ Hake! ʻOka.-Tīs.
“ʻOku pau ke fekuki ʻa e toʻutupú mo e ngaahi tenge lahi ʻi he ʻahó ni he māmaní. ʻOku ʻikai ke faingofua ʻo hangē ko ia naʻe fakahaaʻi ʻe Paulá. [Lau ʻa e Loma 7:21.] Ko e kupu ʻoku kamata ʻi he peesi 28 ʻoku ʻomai ai ʻa e ngaahi fokotuʻu ke tokoniʻiʻaki ʻa e ngaahi mātuʻá mo e toʻutupú ke nau fekuki mo e ngaahi tenge ko ení.”
Ko e Taua Leʻo San.-Mas.
“ʻI he ngaahi taimi taʻemanonga ko ení, ʻoku loto-moʻua ai ʻa e tokolahi fekauʻaki mo e kahaʻú. Ko e hā te ne tokoniʻi koe ke ke maʻu ha fakakaukau paú? [Tuku ke ne tali.] Fakatokangaʻi ange ʻa e talaʻofa ko eni ʻa e Tohi Tapú. [Lau ʻa e Aisea 65:17.] ʻOku ʻomai ʻe he makasini ko ení ʻa e ngaahi ʻuhinga lelei ke fakatuʻamelie ai ki he kahaʻú.”
ʻĀ Hake! San.-Mas.
“ʻOku feinga ʻa e tokolahi ke fakalāngilangiʻi ʻa Sīsū ʻi he taimi ko eni ʻo e taʻú. Fakatatau ki he veesi ko ení, ko e hā te ke pehē ko e founga lelei taha ia ke fakalāngilangiʻi ai iá? [Lau ʻa e Sione 14:15. Tuku ke ne tali.] ʻOku ʻikai ke ʻiloʻi ʻa e ʻaho tonu naʻe ʻaloʻi ai ʻa Sīsuú, pea te ke ʻohovale nai ke ʻiloʻi ʻa e ʻuhinga naʻe ngāueʻaki ai ʻa Tīsema 25 ko e ʻaho ia ki he Kilisimasí.” Fakaʻaliʻali ʻa e kupu ʻoku kamata ʻi he peesi 10.