Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻOkatopa-Tīsema
“ʻI he tuʻunga fakaʻekonōmika ʻo e ʻaho ní, ʻokú ke tui ko ha pole ia ʻa hono ngāueʻaki lelei ʻetau paʻanga hū maí? [Tuku ke ne tali pea lau ʻa e Koheleti 7:12]. Lolotonga ʻa e lāuʻilo ki he fiemaʻu ʻo e paʻangá, ʻoku fakamamafaʻi lahi ange ʻe he Tohi Tapú ʻa e ʻiló mo e potó. Ko e kupú ni, kamata ʻi he peesi 10, ʻoku fakamatalaʻi ai ʻa e founga ke tauhi ai ha mafamafatatau feʻunga ʻi hono ngāueʻaki ʻa ʻetau paʻanga hū maí.”
ʻĀ Hake! ʻOkatopa-Tīsema
“Ko e tokolahi taha ʻo kitautolú ʻoku tau fakamālōʻia ʻi he meʻa kuo akoʻi mai ʻe heʻetau mātuʻá. ʻOkú ke fakakaukau ko e taʻefakaʻapaʻapa ia ke sivisiviʻi ʻa e ngaahi akonaki fakalotu kuo tau ako mei he kei siʻí? [Tuku ke ne tali. Lau leva ʻa e 1 Sione 4:1.] ʻOku fakahaaʻi ʻi he kupu ko ení pe ʻoku hala ke liliu ʻetau lotú.” Fakaʻaliʻali ʻa e kupu ʻoku kamata ʻi he peesi 28.
Ko e Taua Leʻo ʻOkatopa-Tīsema
“ʻOku pehē ʻe he niʻihi kapau ʻokú ke faitōnunga ki he ʻOtuá, te ne tāpuakiʻi koe ʻaki ʻa e koloa, ka ko e masivá ko ha fakaʻilonga ia ʻo e taʻehōifua mai ʻa e ʻOtuá. Ko e hā hoʻo fakakaukaú? [Tuku ke ne tali.] ʻOku fakatupu tokangá, ko Sīsuú naʻe ʻikai ko ha tangata koloaʻia ia. [Lau ʻa e Luke 9:58.] ʻOku lāulea ʻa e makasini ko ení ki he faʻahinga tāpuaki ʻoku lava ke ʻamanekina ʻe he kau sevāniti ʻa e ʻOtuá.”
ʻĀ Hake! ʻOkatopa-Tīsema
“Ko kitautolu kotoa kuo maʻukovia ʻe he filifilimānako taʻetotonú. ʻOkú ke pehē ʻoku fēfē ongoʻi ʻa e ʻOtuá fekauʻaki mo e tomuʻa fehiʻá? [Tuku ke ne tali. Pea lau ʻa e Ngāue 10:34, 35.] ʻOku lava ke tokoniʻi kitautolu ʻe he Tohi Tapú ke tau fekuki mo e taimi ʻoku maʻukovia ai kitautolu ʻe he filifilimānakó. ʻOku toe tokoniʻi ai kitautolu ke taʻaki fuʻu ha tomuʻa fehiʻa pē nai ʻoku tau maʻu. ʻOku fakamatala ki ai ʻa e makasini ko ení.”