ʻE Lava Ke Ke Fakaaʻu Atu ha Fakaafé?

ʻI he ngaahi fakatahaʻanga lahi ʻoku ʻi ai ʻa e kau malanga ʻoku fakangatangata ʻenau kau ki he ngāue fakafaifekaú koeʻuhi ʻoku ʻi ai honau mahaki tauhi pe hoholo ke motuʻa. (2 Kol. 4:16) ʻE lava ke ke fakaafeʻi ha taha ʻi ha ngaahi tuʻunga pehē ke kau fakataha mo koe ʻi hoʻo ako Tohi Tapú? Kapau ʻoku toka mohenga ʻa e tokotaha malangá, ʻe lava nai ke fakahoko ʻa e akó ʻi hono ʻapí. ʻE lava ke ke fai ha fokotuʻutuʻu ʻi ha taimi ke ke ʻave ha tokotaha malanga ʻoku mahamahaki ki ha ngaahi ʻapi ʻe niʻihi ʻi he ngāue fakafaifekau fale ki he falé pe ʻi ha toe ʻaʻahi ʻe taha pe ua? ʻOku tokolahi ʻa e kau malanga taʻumotuʻa ʻoku nau maʻu ʻa e taukei lahi ʻi he ngāue fakafaifekaú. Ko ia ai, ko hoʻo ngaahi feingá ʻoku ʻikai ngata pē ia hono fakalototoʻaʻi kinautolú. Te ke toe maʻu ʻaonga mo koe ai. (Loma 1:12) Tānaki atu ki ai, ko hoʻo ngaahi feinga ke fakahāhā ʻa e ʻofá ʻi he founga ko ení ʻe tāpuakiʻi ai koe ʻe Sihova.—Pal. 19:17; 1 Sio. 3:17, 18.